Geld en Belegging saam met die Kwak BroersVoorbeeld

Geldbestuur

Welkom by dag 2! Wat sê God oor die bestuur van sy finansies? (Onthou, alle geld is God se geld.) Vandag gaan ons behoorlike geldbestuur uit 'n Christus-gesentreerde perspektief bespreek. Ek kan al die tyd in die wêreld bestee om jou taktieke en strategieë te gee, maar dit sal baie oorweldigend wees. In plaas daarvan, gaan ek jou die basiese beginsels gee. Net soos met 'n domino; as jy die eerste een omstamp, val al die ander domino's. Ons gaan fokus op daardie een spesifieke domino — die "pilaar" wat die wolkekrabber stewig hou. 

Daardie een klein konsep is beplanning. Soek altyd die eer van die Here wanneer jy iets beplan. Luister na daardie sagte stem van die Heilige Gees, wat ek glo, altyd die fondament moet wees wanneer Christus se volgelinge besluite neem. God wil intimiteit met ons hê. Is dit nie hoekom Hy sy enigste Seun gestuur het, sodat ons met die Vader versoen kan word nie? 

Jy mag dalk vra: "Wat het dit met die bestuur van geld te doen? Wat het dit met rentmeesterskap te doen? Wat het dit met gesonde finansies te doen?"

Alles. 

Rentmeesterskap is 'n woord wat baie in die Christengemeenskap gebruik word, maar ek dink dit is tyd dat ons duidelikheid kry oor wat ons bestuur. Jy sê dalk jy bestuur God se geld deur 'n groot bedrag geld te skenk, maar God is nie daardeur beïndruk nie. Ons weet dit is die waarheid, as ons na Jesus se perspektief kyk in die verhaal van die arm weduwee se offerande. Hoe kan ons dus duidelikheid kry waarvan en hoe om 'n rentmeester te wees op 'n manier wat God eer? Terug na my oorspronklike punt, dit is deur intimiteit met Jesus en begrip dat jy nie baas is oor jou finansies nie. Jy moet verstaan jy moet altyd aan God verslag doen. 

Ek bid altyd eers tot God vir sy wysheid en insig voordat ek enige beleggingsbesluite neem of na my begroting kyk. Net soos dit in enige verhouding is, neem dit tyd voordat jy die Heilige Gees se aansporing herken en daarin vertrou. Soms sê God: "Nog nie", "Moenie," "Doen dit," en my gunsteling,  "Geniet dit!"

Ek stel wel voor dat jy leer om jou begroting te beplan en daarby te hou. Ek glo ook dat jy die verantwoordelikheid het om finansiële opvoeding te kry en om behoorlik boek te hou van jou uitgawes om seker te maak jy spandeer minder as wat jy verdien. Om jou tiende te gee en erkenning te gee daaraan dat God die Here is oor ons finansies, is noodsaaklik. 

Terselfdertyd moet ons nooit die fondament nalaat wat alle aktiwiteit en besluite aanspoor nie. Ons moet groei om meer intiem met Christus te word. Hy sal ons die wysheid vir behoorlike bestuur gee.