Laai die Bybeltoep afVra, Dink, Verbeel JouVoorbeeld
Meer As Wat Jy Kan Doen
God gebruik mense om sy werk op die aarde te doen — en wanneer God jou 'n opdrag gee, is dit dikwels ver bo wat jy dink jy in staat is om te kan doen. Die feit is, as jy dit self kon doen, sou dit nie 'n wonderwerk gewees het nie!
Ons pastoor, Craig Groeschel, bemoedig ons dikwels met die woorde: "Doen wat reg is en vertrou God met die resultate." Dit is eenvoudig. Gehoorsaam God en verwag om die onverwagte te sien.
Dit is maklik om geïnspireer te word deur alles wat God by Life.Church doen, want ons kan terugkyk en sien hoe God voorsien het en die resultate voortgebring het. Nietemin, terwyl die verhaal besig was om te ontvou, het dit geloof in God geverg en die besluit om op koers te bly. God het ons gehoorsaamheid geëer en sy beloftes nagekom om "... oneindig meer te doen as wat ons bid of dink." (Efesiërs 3:20)
Dit is normaal om te voel dat die uitdaging wat voorlê, te groot is vir jou om op jou eie te kan doen. Dit is ook heel waarskynlik so. As jy egter op God vertrou, sal jy deel word van 'n wonderlike verhaal. Watter gebiede van jou lewe kan jy aan God toevertrou vir resultate?
Daniel Woodward
Inligtingstegnologie Span
Skrif
Aangaande hierdie leesplan
Hierdie leesplan is 'n viering van ons 25ste verjaardag in samewerking met die Life.Church personeel wat strek van pastore tot tegnici. Ons sien uit na nog baie jare saam deur God se voorsiening wat meer is as wat ons in ons alledaagse lewe kan vra of dink. Die leesplan is vir almal wat aan God se getrouheid, krag en goedheid herinner wil word.
More
