Al die Gevoelens: Neem Beheer oor Jou Gevoelens (in Plaas van Andersom)Voorbeeld

Al die Gevoelens  

Ek is 'n groot gevoelsmens — die woord groot is eintlik 'n lagwekkende onderbeklemtoning. As gevoelens gewigoptellers was, sou myne 'n ou van honderd twee en tagtig kilogram met die naam Sven wees, met bene soos boomstompe, wat met kettings in sy tande 'n agtienwiel vragmotor oor parkeerterreine kan trek. Dit het my 'n halfmiljoen jaar geneem om uit te vind waar al my diep gevoelens in my Christelike lewenswandel inpas. Om te besef dat ons geloof presies die plek is — die beste plek — om al ons gevoelens te verwerk. Om te juig in die feit dat God nie net ons emosies as kosbare geskenke aan ons gegee het nie, maar Hy verheug hom ook in wie ons is en hoe ons voel — en dat Hy al daardie gevoelens met ons deel.

As jou geloof jou verveel, styf of veraf voel wanneer jy bid; as jy heimlik voel dat jou geloof nie van toepassing is op jou "regte lewe" nie; as jy wonder of jou stryd teen depressie of angs buite God se bereik is, het jy dalk nog nooit geleer hoe om jou ware gevoelens na God te bring nie. 

Die Bybel is 'n boek ryk aan emosie. In die Bybel sal jy manne en vroue vind wat worstel met elke emosie wat ek en jy ervaar: vreugde, seerkry, woede, liefde, angs, vrees, afguns, bitterheid, verwarring, en talle meer. Dit vertel ons soveel van God. Hy is self 'n diep emosionele wese, en Hy verstaan ​​die diepte en wydte van ons gevoelens.  

Psalm 56:9 (NLV) sê dat Hy ons trane tel. 

Hy sien ons ellende raak. 

Hy vang ons trane op. 

Hy skryf dit in sy boek op.

Hy gee ons ook vreugde.

"Ons het toe gelag en van vreugde gesing" (Psalm 126:2a NLV). 

"Die ander nasies het gesê: 'Die Here het groot dinge vir hierdie mense gedoen'" (Psalm 126:2b NLV).

Ek nooi jou om die deure van jou hart oop te maak en God na jou emosies en jou emosies na God te bring — die Een wat gevoelens uitgedink het en wat joune altyd verwelkom.

As dit vir jou saak maak, maak dit vir Hom saak. Hy smag daarna om jou vreugde te deel, jou hart te lei en — die wonderlikste geskenk — jou deur jou smarte te dra. 

Hy het vir jou ontelbare hulpmiddels in die Skrif gegee om te help om jou emosies te ervaar op maniere wat Hom vereer en vir jou gesond is. Oor die komende dae sal ons maniere verken hoe God ons kan lei om beheer oor ons emosies te neem, hoe sy Woord ons deur tydperke van depressie en angs kan ondersteun, en hoe ons emosies ons emosioneel met God en ander kan verbind. Miskien voel jy, soos ek, opgewonde oor die reis; senuweeagtig om dieper te delf; effens duiselig, geïntimideer, verstaan, gretig, hoopvol . . . wel, jy weet. Al die gevoelens.