Handelinge - In Sy Krag: Gister en VandagVoorbeeld

Lees: Handelinge 6

SOAP: Handelinge 6:7

Namate die Woord van God deur Jerusalem en Judea versprei het, het die aantal dissipels toegeneem. Dit het aanleiding gegee tot konflik onder die gelowiges, konflik wat gedreig het om skeuring en verdeeldheid in die vroeë kerk te veroorsaak. Toe hierdie konflik ontstaan het, het die twaalf apostels besef dat hulle hoof fokus moes wees om die Woord van God te verkondig. Die apostels het ook besef dat die konflik belangrik was, en dat die kerk ‘n groter leierskorps benodig het namate die kerk gegroei het. As gevolg hiervan het hulle addisionele leiers aangestel om toesig te hou oor die verspreiding van voedsel aan weduwees.

Die groei van die kerk was 'n goeie ding, maar dit het nie sonder uitdagings gepaard gegaan nie. Hierdie voorbeeld van die leierskap en leiding van die apostels, toon die werking van die liggaam van Christus. Die apostels moes hulle gawe gebruik om die evangelie te verkondig en ander was nodig om ander funksies in die kerk te verrig en dinge te organiseer.

Ongeag van ons rol in die liggaam van Christus, is ons noodsaaklik. Daar is een liggaam van Christus waarvan ons almal lede is. Ons het elkeen verskillende gawes en wanneer ons die gawes gebruik vir die opbou en eenheid van die liggaam van Christus, sal die evangelie aanhou om te versprei (1 Korintiërs 12).

Here Jesus, dankie dat U al die lede van u liggaam uniek gemaak het. Help my om my gawes te gebruik om ander te bemoedig en te help. Help my om te dien en om u naam groot te maak, maar nie uit selfbevordering nie. Help my om dié wat U aangestel het as leiers in die liggaam van Christus, te vertrou. In u Naam, amen.