Droom Groot met Bob GoffVoorbeeld

As jy al jare lank ambisies het en dit nog nie uitgeleef het nie, is dit die moeite werd om jouself af te vra, waarom nie? Jesus het nooit vir iemand gesê om versigtig te lewe nie. Jy is gebore om dapper te wees. Tree so op. Leef in hierdie waarheid. As jy wil hê sommige van jou ambisies moet 'n werklikheid word, kom uit die gemaksone in jou lewe en neem 'n paar risiko's. As jy hoë mure om jou gebou het, hoef jy nie almal af te breek nie; sit net 'n deur of twee daarin sodat jy aan die anderkant kan uitkom.

Mogadisjoe is 'n bedrieglike plek. Daar is baie skoonheid en hoop, maar ook geweld, koeëls en ontploffings. As 'n moordaanslag op iemand se lewe beplan word, sal die motor onderskep word van die persoon wat hom of haar beskerm. Dan kom die moeilikheid. Nadat ons reeds twintig minute kronkelend deur Mogadisjoe beweeg het, draai ons in 'n nou straatjie af toe 'n motor voor ons inbeweeg. Ons motorbestuurder draai na my en sê met angs in sy stem: "Dit voorspel niks goeds nie!" In Somalië is daar twee dinge wat jy nie eintlik wil hoor nie: "Dit is nie goed nie" en "ek is nou die kaptein." Wat volgende gebeur het, het ek glad nie verwag nie. Die ouens met die masjiengewere in die vragmotor wat ons begelei het, het skielik losgetrek en begin skiet. Ek het nooit 'n tekort aan woorde nie, maar in hierdie chaos kon ek net "sjoe" uitkry! 

Ek weet dit klink nie indrukwekkend en teologies nie, maar dit is regtig indrukwekkend en teologies. Die rede is: ek het my hele lewe deurgebring deur net al hoe gemakliker te raak. Ek het 'n huis, 'n motor, 'n boot en selfs 'n hond wat ek nie eens wil hê nie. Wat ek ontdek het, is dat gemaklike mense Jesus nie nodig het nie en nie hulle ambisies navolg nie — desperate mense doen dit wel. As ons ons ambisies wil uitleef, wil God nie hê dat ons in gemak moet leef nie. Hy wil hê ons moet gevaarlik naby die randjie van "sjoe" woon.

Om op die randjie van "sjoe" te woon, kan skrikwekkend en moeilik wees, en soms selfs pynlik. Tog is dit die regte plek. Hou aan asemhaal. Volg dit na. Beweeg na jou randjie waar Jesus op jou wag. God lei ons nie vorentoe op die veiligste pad nie, maar op die pad waar ons die meeste sal groei.