Gemeenskapsversoening En Die KerkVoorbeeld

Afleweringstelsel 

Amazon Prime se vinnige afleweringstelsel het aanlyn aankope heeltemal verander, want goedere word nou vinniger by kopers se deure afgelewer as ooit tevore. Dis nodig dat die kerk haarself posisioneer om die grootste welsynsafleweringstelsel vir die gemeenskap te wees. Soos die kerk hierdie dienste tot by die voordeure van mense in die gemeenskap lewer, bied dit 'n geleentheid vir gemeenskapstransformasie.

Sommige van die dienste wat 'n kerk kan bied, sluit in mentorskap, opvoeding, lewensvaardigheidsopleiding, ouerskapsopleiding, volwasse geletterdheid, algemene onderwysontwikkeling, rekenaaropleiding, tegnologiese opleiding, werkgereedheidsopleiding en bedryfsnetwerke. Kerke kan ook hulp vir die fisieke behoeftes bied deur 'n kosbank en tweedehandse winkel te hê en mense met behuising te help. Kerke kan berading en krisis-ingrypingsprogramme aanbied. Hulle kan ook naskoolprogramme, kampe en sportligas hê. Kerke kan ook swangerskapsentrums oopmaak wat meisies en vroue help om lewe vir hulle ongebore kinders te kies en hulle dan tydens die hele proses te ondersteun. Dit sluit in om mediese dienste, familiesorgopleiding en berading aan te bied, en om vir pasgebore babas noodsaaklikhede soos doeke en toiletware te verskaf. 

Waarom behoort die kerk al hierdie dienste aan te bied? Omdat die kerk uniek geroep is om ons gemeenskappe deur positiewe waardes en geloof te beïnvloed, en om 'n hoër kwaliteit van lewe in daardie areas te bied. Hierdie dienste is moontlik. Alle kerke, ongeag hulle grootte, kan hulle gemeenskappe beïnvloed. Sosiale euwels kan nie alleenlik deur welsynshulp opgelos word nie, aangesien die oorsprong dikwels geestelik van aard is. Dus, op die ou end is die vestiging en bou van verhoudings die brug wat na die plaaslike kerk teruglei.

Watter dienste bied jou kerk aan om die gemeenskap waarin dit geleë is te verander?