Elke Taal: Luister Na Die Veeltalige GodVoorbeeld

Vergifnis

Die daad van vergifnis is die kern van die Christelike geloof. Jesus beklemtoon dit wanneer Hy ons leer hoe om te bid. In die Ons Vader-gebed koppel Hy God se vergifnis van ons oortredings aan ons vergifnis van hulle wat teen ons oortree het.

Ons weet dis moeilik om te vergewe — dalk nie om te verstaan nie, maar beslis om uit te leef. Ons weet ook die gesegde lui: "Woorde wek, maar voorbeelde trek". Tog kan woorde vorm en uitdrukking aan ons dade gee. Dit is hoe dit voel wanneer ons van naderby na die praktiese begrippe gaan kyk hoe ander kulture en tale vergifnis benader.

Tzeltal, 'n inheemse taal wat in Mexiko gepraat word, vertaal vergifnis as volg: "om 'n ander se sonde uit jou hart te verloor" — let op, nie hulle harte nie, maar joune. Hierdie begrip is soortgelyk aan San Blas Kuna (van Colombië en Panama) wat vergifnis vertaal as "om die bose uit die hart uit te wis", of Mískito (wat in Honduras en Nicaragua gepraat word) waar vergifnis vertaal word "om iemand se fout uit jou hart te haal".

Vergifnis genees ook ons eie harte — dit "stel ons vry" volgens die Lahutaal wat in Oos en Suid-Oos Asië gepraat word — dit skep ook die moontlikheid vir wedersydse genesing aan die persoon wat vergewe is. Dit lei ons na Westelike Parbate Kham wat in Nepal gepraat word, wat waarsku "om 'n grief te koester" beteken dat jy "iemand in jou hart vasgebind" het en jy moet "die persoon losmaak" om deur vergifnis vrygeskeld te word.

Wie is vandag in jou hart vasgebind? Wie se sonde moet jy uitwis? Waar moet jy vrygestel en genees word? Vra God om jou te help om daardie persoon "los te maak" — tot voordeel van daardie persoon asook jouself — net soos God jou vergewe het.