Oorwinnaar: Vind Krag in Moeilike TydperkeVoorbeeld

Om Teleurstelling te Verduur

Josef, die gunsteling seun van 'n ryk landheer, se hele lewe was nog voor hom — en hy het dit geweet. Hy het selfs gedroom hoe sy toekoms sou lyk, tot sy broers hom eendag aan mensehandelaars verkoop het. Oombliklik is Josef van sy gesin, toekoms, stand en hulpbronne gestroop. Elke toekomsplan vir sy lewe was aan skerwe.

As 'n slaaf in Egipte, is hy weer verraai en bevind hy homself in die tronk vir 'n misdaad wat hy nie gepleeg het nie. Ongeag waardeur hy gaan, hou hy nooit op om God te vertrou nie … en God hou nooit op om aan Josef guns en liefde te bewys nie. 

Na twee jaar in die tronk, word hy tot tweede in bevel van Egipte bevorder. Uiteindelik red hy duisende van sy mense van 'n sewe-jaar hongersnood — insluitend sy broers. 

Elke pynlike ondervinding in Josef se verlede het hom voorberei vir 'n toekomstige doel wat ontelbare lewens sou beïnvloed. 

Miskien kan jy jou op 'n manier met Josef vereenselwig. Dalk is jy verraai deur iemand wat jy vertrou het. Of miskien het jy al gewonder hoekom jou lewe met teleurstelling en swaarkry gevul is. Dalk lyk jou lewe eenvoudig nie soos dít waaroor jy gedroom het nie. 

Waarvoor jy ook al te staan kom, God het 'n volmaakte rekord om gebroke hoop en drome om te keer tot ons beswil en sy eer. Hy het nog nooit opgehou om in jou lewe te werk nie. Ongeag wat jy in die gesig staar, sal God aanhou om aan jou sy guns en liefde te bewys, as jy aanhou om met Hom te wandel. As jy met God wandel, is niks waardeur jy gaan tevergeefs nie.