OpgestaanVoorbeeld

Lees: Johannes 20:1-10; Johannes 11:25-26

SOAP: Johannes 11:25-26

Na Lasarus se dood het sy suster Marta groot geloof aan die dag gelê. Toe Jesus in Betanië opdaag, het Marta Hom buite tegemoetgegaan. Daar het Jesus ‘n geloofsvraag aan Marta gestel toe Hy gesê het “elkeen wat lewe en in My glo, sal in alle ewigheid nooit sterwe nie. Glo jy dit?” Marta het haar geloof in die opstanding op die laaste dag en haar geloof in Jesus, dat Hy inderdaad die Christus, die Seun van God is, uitgespreek. Wat sy nie verwag het nie, is hoe die mag van Christus en die mag van die opstanding op daardie oomblik haar lewe sou verander. 

Marta se geloof het haar in staat gestel om te sien hoe die opstanding haar ewigheid sou verander. Sy het geglo dat sy haar broer Lasarus weer sou sien. Die mag van die opstanding het egter nie net vir Marta verander nie, maar ook haar suster Maria, haar broer Lasarus en die hele dorp toe hulle gesien het hoe Lasarus uit die dood opgewek is. 

Die opstanding verander ons ewigheid en ons huidige omstandigheid op maniere wat ons nooit sou verwag het nie. Al wat ons nodig het om die krag daarvan te ervaar, is geloof in Jesus. 

Here Jesus, dankie vir U ongelooflike krag wat met die opstanding geopenbaar is. Ek glo dat ek nooit sal sterf nie omdat ek in U glo. Ek glo dat U die Christus, die Seun van God is en dat ek op die laaste dag weer saam met U sal opstaan. Amen.