Leef Jou Roeping Uit: Wat Op Aarde Doen Ek Hier?Voorbeeld

Hoe om Voor te Berei om Jou Lewenslesse te Deel

God het 'n lewensles in jou geplaas.

Toe jy 'n gelowige geword het, het jy ook God se boodskapper geword. God wil met die wêreld deur jou praat.

Jy dink dalk jy het niks om met ander te deel nie, maar dis die duiwel wat probeer om jou stil te maak. Jy het 'n stoorkamer vol ervaringe wat God wil gebruik om ander in sy familie in te bring.

Die Bybel sê: "Wie in die Seun van God glo, besit die getuienis in sy hart ..." (1 Johannes 5:10a).

Hierdie manier kan jou byvoorbeeld help as voorbereiding hoe om jou lewenslesse te deel: Skryf jou belangrikste lewenslesse neer. Ons moet dankbaar wees dat Salomo dit gedoen het, want nou het ons die boeke Spreuke en Prediker wat met praktiese lewenslesse gevul is. Kan jy jou indink hoeveel onnodige frustrasie ons kon vermy as ons net uit mekaar se lewenslesse geleer het?

Om te begin, kan jy jou geheue met hierdie paar vrae verfris:

• Wat het God jou deur mislukking geleer? (Psalm 51) • Wat het God jou deur 'n gebrek aan geld geleer? (Filippense 4:11-13) • Wat het God jou deur pyn, hartseer of depressie geleer? (2 Korintiërs 1:4-10) • Wat het God jou geleer deur te wag? (Psalm 40) • Wat het God jou deur siekte geleer? (Psalm 119:71) • Wat het God jou deur teleurstelling geleer? (Genesis 50:20) • Wat het jy by jou gesin, jou kerk, jou verhoudinge, jou kleingroepie en jou kritici geleer?

Luister na vandag se klankonderrig deur Pastoor Rick >>