Nader tot GodVoorbeeld

Lees: Psalm 19:11-12, Matteus 4:1-4

SOAP: Matteus 4:4 

Satan val ons gereeld aan as ons moeg, alleen of honger is. Satan het Jesus in die woestyn versoek, nadat Hy veertig dae lank gevas het. Satan wil ook ons honger gebruik om ons te versoek. God wil hê dat ons leë mae ons na Hom toe moet dryf. Daar is 'n geweldige krag in God se woord om die leuens van die vyand te beveg. Jesus in sy mensheid, geïnspireer deur die Heilige Gees, het die waarheid gespreek om die bedrieglike woorde van Satan te beveg.

Watter leuen glo jy vandag? Is daar iets wat Satan vir jou fluister om jou te oortuig om op jou eie op te tree en aan jou eie behoeftes te voldoen? Soek 'n vers wat waarheid in daardie gebied van jou lewe spreek en kies om te glo wat God sê, eerder as dit wat Satan sê!

Here, help ons om Satan se planne te onthou. Dankie dat daar krag en waarheid in u woord is om die leuens van die bose te beveg. Wanneer ons in die versoeking kom om ons leegheid met ander dinge te vul, help ons om na U toe te kom om ons te vul. Help ons om te onthou dat gehoorsaamheid aan u wil belangriker is as selfvoldoening of selfs voedsel. Amen.