Laai die Bybeltoep afKrygsmanVoorbeeld
Die Krygsman se Passie
Egte passie is nie roekeloos of huiwerig nie. Dit is 'n sterk en amper onbeheerbare begeerte om iets goeds te doen. Dit is iets waarvan ek niks in my vroeë 20's geweet het nie. Ek was 'n sorgelose jong man wat net vir een ding omgegee het: myself.
Ek het 'n lewe so ver van God gelei dat ek het nooit eens in 'n kerkgebou gekom het nie. Ongeveer daardie tyd het 'n medewerker met die naam Andy, my met uitnodigingskaartjies na sy kerk begin nooi.
Daardie jaar het Andy my 52 keer kerk toe genooi. Elke keer het ek "nee" gesê, of "dalk 'n volgende keer" en het die uitnodigings in die gleuf van my bakkie se sonskerm ingedruk. Andy was egter meedoënloos, passievol en oortuigend — en dit sou my lewe verander.
Ek het gehuiwer. Daardie 52 weke was die donkerste tyd wat ek nog ooit in die gesig gestaar het. Ek was in die proses om my gesin te verloor as gevolg van die keuses wat ek gemaak het, en my prioriteite was ver van wat dit moes wees. Ek was nie desperaat nie. Ek kon nie die situasie meer hanteer nie.
Op 'n dag het ek 'n ent gaan ry om my kop skoon te kry en na te dink oor wat ek uit die lewe wou hê. Op die regte oomblik het my sonskerm gebreek as gevolg van die gewig van Andy se uitnodigings na Life.Church — en ek het ook geknak.
Binne 'n paar maande het ek Jesus en 'n paar goeie mense leer ken. Deur sy genade en vergifnis het ek 'n passie ontdek wat ek skaars kon beheer. Ek het nuwe lewe gekry.
Uiteindelik het iets anderkant die goeie bedoelings in my lewe begin gebeur. Vandag is ek 'n liefdevolle eggenoot, betrokke pa en pastoor by Life.Church. My verhaal is nie kragtiger as joune nie. Jy is met passie en krag geskep. Dieselfde Heilige Gees wat Jesus opgewek het, leef in elke volgeling van Jesus.
Sê "nee" vir aarseling en sê "ja" vir Jesus. Ontketen die passie in jou huwelik, jou kinders, jou kerk en jou gemeenskap.
Moenie toelaat dat jou voornemens ophoop soos uitnodigings in die gleuf van 'n sonskerm nie. Hoe kan jy jou gawes, tyd, talente en liefde tot voordeel van ander begin gebruik? Vir wie kan jy in jou lewe, huis of kerk innooi? Ons is hiervoor gemaak!
Bid: Vader, help my om passievol vir U en u plan in hierdie wêreld te word. Ek wil nie net in veiligheid die einde van my lewe bereik nie. Ek wil alles wat ek is, elke dag aan U gee. Amen.
-Mitchel, vegtend met passie
Aangaande hierdie leesplan
Daar is iemand sterk, wild en vol moed in jou binneste wat gereed is om op te staan en te veg vir wat saak maak. Hierdie Life.Church leesplan, bykomend tot Pastoor Craig Groeschel se reeks, "Warrior", sal jou oproep om jou doel te vind, huiwering uit te daag, wonde te genees, verslawing te beveg en as 'n kampioen te seëvier.
More
