KrygsmanVoorbeeld

Die Krygsman se Menswaardigheid

Hierdie leesplan is vir mense soos jy, deur mense soos jy. Krygsmanne. Voel jy nie soos een nie? Wat sal gebeur met jou gesondheid, jou vriendskappe, jou gesin, jou werk en jou geloof wanneer jy ophou om alles te doen? Jy wil nie eens daaraan dink nie, nè? Dis omdat jy elke dag vir daardie dinge veg. 

Jy is 'n krygsman.

Dag vir dag uit probeer jy hard om jou beste te wees. Waaraan meet jy egter jou sukses? 

Wanneer jy so hard veg — vir jou gesin, jou geloof, jou werk — dan wil jy weet dat jou tyd die moeite werd is. Jy wil gaan slaap in die wete dat jy die regte besluite geneem het. Hoe meet jy dit egter? Wie kan sê dat jou bloed en sweet die moeite werd was? 

Ons wil almal hoor dat ons tyd in die gimnasium vrugte afwerp, dat ons base die ekstra ure raaksien wat ons insit, en dat ons huweliksmaats van die nuwe motors hou waarvoor ons so hard gewerk het. Moet my nou nie verkeerd verstaan nie — hierdie waardering kan 'n mooi, lewegewende ding wees. Wat gebeur egter as dit ophou? 

Wat doen jy as die nuwe motor onklaar raak, wanneer jy nie meer komplimente oor jou liggaamsbou kry nie, of as jou baas net dink dat die lang ure die nuwe tendens is? Dit voel asof ons in die donker rondtas. Ons gaan onvermoeid voort, maar niemand let dit op of gee om nie.

Die probleem is nie dat jy aan menswaardigheid kortkom nie; die probleem is waar jy vir bevestiging van jou menswaardigheid gesoek het. Ons het 'n sterker fondament nodig wat nie gaan verkrummel nie. Ons moet ons menswaardigheid by Iemand kry wat nooit verander nie. 

Daar is net Een. Hy is in ons, stap saam met ons en werk deur ons. Hy is Christus. Jesus. God. Heilige Gees. Hierdie drie-enige krag het alles passievol — insluitend vir jou — met 'n oorweldigende liefde en doel geskape. Wat sê Hy oor jou?

Miskien vertel Hy jou dat jy genoeg doen, want in jou swakheid is Hy sterk. Miskien herinner Hy jou daaraan dat jy 'n goeie Pa is, selfs al verdien jy nie 'n groot salaris nie, want jy het jou gesin so lief soos Hy jou eerste liefgehad het. Miskien vertel Hy jou wat jou pa of ma nooit vir jou gesê het nie — dat Hy trots op jou is. 

Bid: Vader, wie sê U is ek? Wat dink U van my? Sal U my help om u hart vir my te ontdek? Amen.

-Tommie, mede-krygsman

Kry al die Krygsman-inhoud.