Vreugde: 'n Aftelling tot by KersfeesVoorbeeld

Dis vir Alle Mense

Dis 'n stil sterrenag in die heuwels van Betlehem. Rondom jou hoor jy niks anders as die gesnork van skape en skaapwagters nie. Om 'n skaapwagter te wees, is 'n baie eensame werk wat jou sosiaal afsny van die res van die gemeenskap. Een nag verskyn daar egter skielik 'n helder lig saam met 'n skare engele wat sê dat hulle goeie nuus van groot vreugde vir alle mense bring.

Net soos daardie skaapwagters is jy ook uitgenooi om verheug te wees oor die wonderwerk van Christus se geboorte. Dit maak nie saak wie jy is nie — die vreugde van Kersfees is vir elkeen: die rykes, die armes, die gelukkiges, die eensames, die vergetenes en die geliefdes.   

Wanneer jy vandag se Skrifgedeelte lees, staan 'n tydjie af om vir God dankie te sê vir die vreugde wat vrylik aan jou gegee is weens 'n Verlosser wat vir almal gebore is.

Bid hierdie gebed: 

Dankie Vader, vir die vreugde wat ek so mildelik ontvang weens die geboorte van u Seun, Jesus. Dankie dat U my by my naam roep. Vandag vra ek dat ek U sal verheerlik deur u vreugde met ander te deel. Ek het U lief en vandag kies ek om U te aanbid.