JosuaVoorbeeld

Lees: Josua 9:22-27; Psalm 19:13-14

SOAP: Psalm 19:13-14

Vir verdere nalees: Josua 9:16-27

Soos ons gister gesien het, het 'n groep Gibeoniete na die kamp van die Israeliete gekom en voorgegee dat hulle van ver af kom. Die Israeliete gaan 'n ooreenkoms met hulle aan sonder om God eers te raadpleeg. In vandag se Skrifgedeelte lees ons hoe hulle hul fout besef het. Toe hulle by Gibeon aankom om die stad te verower, kon die volk hulle nie aanval nie, omdat hulle nie hul belofte kon verbreek nie.

Josua het uiteindelik hul fout omgedraai, sodat dit vir hulle gewerk het. Die Gibeoniete is vir die diens van die tabernakel aangestel. Hulle werk was om die water en brandstof aan te dra. Die Gibeoniete het geen ander keuse gehad as om toe te gee aan die taak wat hulle opgelê is nie.

Wanneer jy Psalm 19 lees in ‘Die Boodskap’ se vertaling, sê vers 14 "En keer my as ek van plan is om opsetlik verkeerde dinge te doen." Hoeveel dinge kon ek in my lewe vermy het as ek hierdie gebed gebid het! Die Israeliete kon hierdie gebed gebruik het in hul ontmoeting met die Gibeoniete. Om die vyand te werf, selfs as hulle in jou diens is, is nooit 'n goeie idee nie.

Liewe Vader, soos Psalm 19 sê, keer my asseblief as ek van plan is om opsetlik verkeerde dinge te doen. Help my om my foute te onderskei en altyd u raad te soek.

In Jesus se naam.

Amen.