JosuaVoorbeeld

Lees: Josua 8:30-35; Deuteronomeum 28:1-2

SOAP: Deuteronomeum 28:1-2

Ná die oorwinning teen Ai het Josua en die volk na die vallei tussen Ebalberg en Gerisimberg gegaan om 'n altaar te bou soos Moses hulle beveel het in sy laaste rede (Deuteronomium 27:1-8). Josua het die altaar gemaak presies soos dit in Eksodus 20:25 beskryf word en die offergawes is tot op die letter gemaak soos dit in die wet van Moses geskryf is. Selfs die posisie van die stamme is volgens Moses se opdragte in Deuteronomium 27 georden.

Hulle het dit alles gedoen as 'n versekering van die verbintenis van die volk Israel aan God. Die Wet is gelees, herhaal en verduidelik om die mense te herinner dat daar seëninge in gehoorsaamheid is.

As Christene moet ons die Woord van God ken en versigtig wees om dit te gehoorsaam. Daarom is dit so belangrik om elke dag in die Woord te wees, om daaroor te mediteer, dit te memoriseer en toe te pas op ons lewens. Wanneer ons in gehoorsaamheid op God reageer, kom seëninge na ons toe en versprei om ons. Josua 8:35 sê dat daar nie 'n woord van die Wet was wat Josua nie aan die volk gelees het nie. Kom ons onthou vandag dat die hele Skrif deur God geïnspireer is en nuttig is vir ons lewens.

Here, gee my ore om te luister. Gee my hande om te dien en bene om nederig te wandel in u teenwoordigheid. Skud my wakker en moenie toelaat dat ek my lewe mors nie.

In Jesus se naam.

Amen.