JosuaVoorbeeld

Lees: Josua 6:14-17; 20; 27

SOAP: Josua 6:27

Vir verdere nalees: Josua 6:18-27  

Josua het die volk gelei presies soos God hulle beveel het om te doen. Hulle het vir ses dae een maal per dag om die stad geloop, en op die sewende dag sewe keer om die stad gemarsjeer. Op hulle sewende rondte het die priesters die trompette geblaas, die mense het geskreeu, en Jerigo se mure het inmekaargetuimel, nes God gesê het. En toe die mure val, het die Israeliete Jerigo ingeneem.

Dit was ‘n belangrike oorwinning. Nie net omdat die Israeliete ‘n baie versterkte stad soos Jerigo verower nie, maar omdat dit Josua (en sy God) deur die hele land beroemd gemaak het. Stel jou voor hoe die Kanaäniete moes gevoel het toe hulle hoor van Jerigo se mure wat geval het en dat die stad verwoes is.

God was met Josua en Hy het sy naam groot gemaak in die land. Die oorwinning oor Jerigo het op so ‘n wyse geskied dat God al die eer en al die heerlikheid daarvoor ontvang het. God sal groot dinge in ons lewens doen. En wanneer Hy dit doen, maak seker om Hom te verheerlik. 

Dierbare God, ek weet dat U vandag by my is, net soos U by Josua was. Help my om U te sien in alles wat ek vermag en U te verheerlik. Ek bid dat almal sal weet dat al die wonderlike dinge in my lewe van U af kom.

In Jesus se naam.

Amen.