JosuaVoorbeeld

Lees: Josua 6:2-6; Romeine 8:31

SOAP: Romeine 8:31

Vir verdere nalees: Josua 6:1; 7-13

Elke keer wanneer ek hierdie verse lees, kan ek nie help om te wonder hoe Josua probeer sin maak het uit die opdrag wat die Here vir hom gegee het nie. Om rondom die stad te marsjeer en op trompette te blaas, het, om die minste te sê, na ‘n vreemde plan geklink. 

Maar daar is iets wat alles verander en vir ons ‘n beter perspektief gee. Wanneer God met Josua begin praat, is die eerste ding wat Hy vir hom sê – nog voordat Hy die aanvalsplan uiteensit – dat Hy alreeds Jerigo vir hulle gegee het. Hulle het nie nodig gehad om vir die stad te veg nie, dit was reeds hulle s’n. Hulle het nie geveg vir oorwinning nie, maar vanuit oorwinning. Dit was nie vir hulle nodig om hulle leër, hulle wapens, of hulle taktiek aan te wend om Jerigo in te neem nie. Hulle moes net gehoorsaam wees aan wat God hulle beveel het. Hoe vreemd dit ook al geklink het. 

Soms verstaan ons nie God se planne nie. Sy manier van dinge doen is vir ons ongewoon of verwarrend. Ander kere verstaan ons nie sy tydsberekening nie en dan gee ons moed op. Maar al wat ons moet doen, is om God te vertrou en sy opdragte te gehoorsaam, of dit vir ons sin maak of nie.

Hemelse Vader, help my asseblief om u planne en u tydsberekening te vertrou. Selfs al verstaan ek nie hoe U dinge doen nie, gee vir my vrede en geduld om te wag totdat ek sien hoe U vir my die oorwinning gegee het.

In Jesus se naam.

Amen.