Oorkom Die Monster Van VerdrietVoorbeeld

Durf om te Hoop 

Dit is nodig om hierdie te herhaal: om seer te kry in die lewe is onvermydelik; om seer te bly, is 'n keuse. Ons moet ook aanvaar dat die kerk uit onvolmaakte mense bestaan wat soms praat sonder om te dink en ander dan kan seermaak. Dit is egter geen rede om die kerk te verlaat nie! "... God het julle immers geroep om as lede van een liggaam in vrede met mekaar te lewe ..." (Kolossense 3:15). Daarsonder het jy geen funksie, geen voedselvoorraad en geen vervulling nie, dan begin jy geestelik sterf. 

As jy egter deel is van 'n plaaslike kerk, kan jy funksioneer soos Hy jou ontwerp het om te doen. Jy sal vrede ervaar en vervulling vind. Omdat jy aan jou geestelike voedselvoorraad gekoppel is — sal jy groei in volwassenheid. “Die liggaam bestaan ook nie net uit een lid nie, maar uit baie. As die voet sou sê: 'Omdat ek nie ‘n hand is nie, is ek nie deel van die liggaam nie,’ hou hy om dié rede tog nie op om deel van die liggaam te wees nie … Maar nou het God die lede, elkeen afsonderlik, in die liggaam gevoeg soos hy dit wou hê.

… Inteendeel, die lede van die liggaam wat as die swakste voorkom, is juis noodsaaklik, ...” (1 Korintiërs 12:14-22). Hoekom moet jy in die kerk bly? Vir gemeenskap, geestelike voedsel, funksie en vervulling.

Jesus, die Een wat deur hartseer, verdriet en die dood self gely het, het opgestaan! Hy is die Here van almal, en sit aan die regterhand van God terwyl Hy vir jou intree. Hy wat jou hartseer en jou verdriet, sowel as al jou sonde, gedra het, is seëvierend. Deur Hom sal jy jouself weereens verheug in sy vervulling namens jou. Vir nou, vra Hy dat jy Hom moet vertrou. Hy het belowe om "alles nuut te maak" — insluitend jou omstandighede.

Ons hoop dat jy hierdie leesplan van The Word For You Today geniet het. Vir meer inligting oor hierdie bediening en die kans om bykomende hulpbronne te ontvang, klik hier.