Oorkom Die Monster Van VerdrietVoorbeeld

 Begrip Vir die Rouproses 

Wanneer ons deur ernstige lewensverliese getref word, moet ons “daardeur werk” en dit nie onderdruk in 'n poging om aan te beweeg nie. Wat is die proses om deur 'n lewens veranderende verlies te werk? Om hierdie twee dinge te verstaan, sal jou help: 

1. Rou is die natuurlike reaksie op verlies. Om hartseer te “begrawe” is onvoltooide werk. Onder die dekmantel van depressie, angs, post-traumatiese stres versteuring, ens., sal dit voortdurend manifesteer op soek na resolusie, selfs al neem dit jare. 

2. Rou is die “verwerking van verdriet”. God het 'n seisoen bepaal met 'n definitiewe begin en einde waarin Hy van voorneme is dat jy die vrugbare werk doen om met jou pynlike gevoelens te worstel. Dit neem so lank as wat dit vereis, afhangende van hoe groot die verlies en die geestelike, verhoudings- en emosionele gesondheid van die treurende is.

Die proses wat God ontwerp het, bring uiteindelik genesing en gereedheid voort om met die lewe en die toekoms te herenig. Jy sal óf jou rou voltooi óf jou rou herhaal. Jy het dit voltooi wanneer jy die verlies kan onthou sonder om daardeur verlam te voel! 

Hierdie proses neem tyd. In die wagtyd, poog God om geduld, volwassenheid, begrip en karakter in ons voort te bring. Wat God in jou bereik terwyl jy wag, is dikwels belangriker as die iets waarvoor jy wag. Dit is noodsaaklik om jou hartseer te verwerk, hulp te aanvaar, 'n korrekte reaksie te kies en te weet dat jou vreugde aan die einde van die dag van God af kom.