Laai die Bybeltoep afDie Goeie WerkVoorbeeld
Om Jou Doel Te Vind
Ons baat almal daarby om 'n doel te hê. Dit is geen wonder nie — om 'n doel te hê, gee aan ons 'n interne kompas wat ons gedagtes en optrede lei, die moed om uit ons gemaksone te stap, die deursettingsvermoë om teenkanting te oorkom en die toewyding om ons doel tot die einde toe deur te sien.
Ja, dit is belangrik om doelwitte te hê. Ons verstaan dit.
Die vraag oor wat ons doel moet wees, is geneig om ons te laat struikel.
Daar is honderde waardige beweegredes in die wêreld. Hoe moet ons weet wat ons doel moet wees? Hoe kan ons seker wees dat ons iets betekenisvols doen?
Gelukkig, as jy na die boek Nehemia kyk, is die vraag nie so moeilik om te beantwoord nie. Jy hoef jouself eintlik net twee vrae te vra:
1. Waaroor is ek passievol?
2. Watter geleenthede is voor my?
In die eerste hoofstuk van Nehemia het sy broer na hom toe gekom met nuus oor die ballinge wat na Jerusalem teruggekeer het. Hierdie ballinge was Nehemia se mense, en hulle terugkeer na Jerusalem, na 'n paar dekades in ballingskap, was 'n rede tot vreugde. Daar was egter 'n probleem.
Die muur wat die stad beskerm het, was gebreek; dus was die ballinge in gevaar. Hulle was weerloos. Nehemia het baie benoud daaroor geword. Hy het so bekommerd gevoel oor die veiligheid van sy mense dat hy gehuil het.
Ons sien dus hier:
1. Nehemia was lief vir sy mense.
2. Nehemia se mense het beskerming nodig gehad.
3. Passie en geleentheid.
As jy op soek is na jou doel, moet jy die twee vrae oordink terwyl jy die eerste hoofstuk van Nehemia lees. Waaroor is jy passievol? Watter geleenthede is daar voor jou? Daardie vrae sal jou rig na die doel wat God vir jou het. As jy eers weet wat God wil hê jy moet doen, bid soos Nehemia en vra God vir die hulp wat jy nodig het om sy werk tot die einde toe deur te sien.
Oordink: Waaroor is jy passievol? Watter geleenthede is daar voor jou? Watter werk dink jy het God vir jou beplan?
God het aan ons elkeen geestelike gawes gegee. Ontdek die gawes wat Hy jou gegee het en hoe jy dit kan gebruik om sy goeie werk te doen.
Skrif
Aangaande hierdie leesplan
Dis dalk nie vir jou moontlik om die hele wêreld te verander nie, maar jy kan jóú deel daarvan verander. Wat is jou doel? Wat is jou verhaal? Wat wil God deur jou doen? Vind uit deur Nehemia se ondervindinge in hierdie nuwe Life.Church leesplan, wat pastoor Craig Groeschel se boodskapreeks, Die Goeie Werk, vergesel.
More
