Laai die Bybeltoep afMigaVoorbeeld
Lees: Miga 7:14-20
SOAP: Miga 7:18-20
Wat 'n wonderlike manier om ons studie oor Miga af te sluit! Dis wonderlike beloftes wat ons harte bemoedig!
Wie is 'n God soos U? Daar is geen ander God nie. Wie anders kan ons sondes vergewe en dit in die dieptes van die see gooi? Wie anders kan Hom verheug, met standvastige liefde, in diegene wat Hom voortdurend ongehoorsaam is? Wie anders kan medelye met ons hê en keer op keer genade en barmhartigheid aan ons bewys? Net God kan dit doen!
God is getrou om sy beloftes te hou. Selfs wanneer jy wegdraai van Hom af, sal Hy getrou wees. Wat 'n wonderlike God het ons nie! Dis my gebed dat hierdie studie van die boek van Miga jou gehelp het om enige sonde in jou lewe aan te spreek en dat dit jou oë oopgemaak het om die wonderlike, liefdevolle en vergewensgesinde God wat ons het, te leer ken.
Hemelse Vader, ek prys U omdat U getrou is. U het my lief, selfs wanneer ek dit nie verdien nie. Dankie dat U my vergewe en genade aan my bewys wanneer ek struikel. Help my asseblief om die waarhede wat ek in die boek Miga geleer het, uit te leef. In die Naam van Jesus, amen.
Skrif
Aangaande hierdie leesplan
In hierdie studie leer ons van 'n profeet wat moedig na die volk kom, sonde en die komende oordeel van God aanspreek, asook sy oorvloedige genade en barmhartigheid. Hy wys ons 'n God wat ryk is in ontferming. Kom ons bestudeer die boek Miga saam en vra die Here om ons te help om “reg te laat geskied, liefde en trou te bewys en bedagsaam te lewe voor ons God.”
More
Ons wil graag Love God Greatly Afrikaans bedank vir die verskaffing van hierdie plan. Vir meer inligting, besoek asseblief: http://www.lovegodgreatly.com/
