MigaVoorbeeld

Lees: Miga 5:6-8; Handelinge 17:11-4 en 18:1-4, 24

SOAP: Miga 5:6

Miga belowe die volk van Juda dat God hulle nie vir ewig sal vernietig nie. Die oorblyfsel van Jakob sal in die midde van baie mense wees wanneer die Messias in Jerusalem heers. Dit is 'n belofte wat hulle harte sekerlik bemoedig het.

Ons het in die geskiedenis gesien hoe hierdie belofte vervul is. Al die Skrifgedeeltes wat ons in die boek Handelinge lees, vertel die verhaal van Jode wat by die voete van Jesus was en onder vreemdelinge gewoon het. Ons lees van sinagoges in Tessaloníka en Korinte, beide Griekse stede. Ons lees van name soos Akwila en Priscilla, Jode wat in Rome gewoon het, en Apollos, 'n Jood uit Alexandrië, Egipte.

Die Jode is deur die geskiedenis heen op verskriklike maniere vervolg. Tog is hulle in baie lande regoor die wêreld gevestig, hulle leef in verskillende plekke en kulture, maar behou steeds hul Joodse tradisies en leefwyses. God sorg vir hulle.

Ek is 'n buitelander in die land waarin ek woon, maar is ons almal nie maar buitelanders in hierdie wêreld volgens 2 Petrus 2:11 nie? God sal vir jou as vreemdeling in hierdie wêreld sorg. Hy sal jou nie in die steek laat nie!

Liewe Vader, oor die eeue heen het U vir u volk gesorg en hulle teen allerhande kwaad beskerm. U is getrou aan u beloftes aan Israel en ook aan my. Dankie Here dat U na my omsien as vreemdeling in hierdie wêreld. Help my asseblief om te onthou dat ek 'n burger van die hemel is. In die Naam van Jesus, amen.