Jou Reis Deur HartseerVoorbeeld

DAG SES: Jou Geliefde se Redding

Baie mense wonder of hulle geliefde ten tye van hulle dood gered was. As jy daardie onsekerheid in die gesig staar, mag jou droefheid veral pynlik wees. Jy mag as gevolg daarvan met nog meer vrae oor God worstel. 

Onthou dat God nie 'n rede soek om jou geliefde uit die hemel te hou nie; Hy soek enige moontlike rede om hom of haar in die hemel in te bring. Hy begeer, nog meer as jy, dat jou geliefde die ewigheid saam met Hom sal deurbring. 

Daar is ten tyde van jou geliefde se dood oor sy of haar ewige bestemming besluit. Jy weet egter nie wat dalk tussen jou geliefde en God gebeur het in die laaste oomblikke van sy of haar lewe op die aarde nie. 

Dit neem net 'n oomblik vir iemand om vir Jesus ja te sê. Soos met die misdadiger aan die kruis. Wanneer 'n persoon na Hom uitroep, sê Jesus altyd ja. Daardie ja is die enigste ding wat besluit oor jou geliefde se ewige bestemming. 

Wanneer jy in die hemel kom en vir Jesus al jou oorblywende vrae vra, sal dit vir jou moontlik wees om te sê: "Hy het alles goed gedoen." Jou geliefde se ewige bestemming is veilig by Hom.