Jou Reis Deur HartseerVoorbeeld

DAG DERTIEN: Gee Dit Aan 

Jy mag soms so erg seerkry dat jou enigste gedagte is: "Neem net die pyn weg!" 

Daardie begeerte is normaal. Sommige mense wat rou, saboteer hulle reis deur dit op ongesonde maniere te "dokter" — oorwerk, slaap te veel, lê ure voor die TV, of misbruik goed soos alkohol en dwelms. Daardie pogings sal uiteindelik boemerang. 

Vertroosting is nie dieselfde as om die pyn te verwyder nie. Vertroosting beteken jy erken die pyn en aanvaar dit selfs; en kies om die vertroosting wat beskikbaar is in jou siel op te neem. 

Sulke vertroosting kom van verskeie plekke: God se teenwoordigheid, mense wat omgee, selfs om die mooiste herinneringe van jou verhouding met jou geliefde te onthou. 

Om te rou is waardevol en kan lei tot vertroosting. Laat jouself toe om te rou — en om die vertroosting te ondervind. 

Vertroosting moet ook aan ander gegee word. 

Maak doelbewus kontak met die mense en ondervindings wat help om jou hart heel te maak. Kom terug in God se teenwoordigheid vir die vertroosting wat net Hy kan gee. 

Op 'n dag sal dit tyd wees om hierdie vertroosting aan ander te gee. 

Neem jou oë van jou eie pyn af weg en wees op die uitkyk vir iemand anders wat swaarkry. Of hulle rou of nie, daar sal iemand wees wat iets nodig het wat jy het. Gee van jouself. Bied vertroosting aan. Jou eie hart sal nog meer heel word as jy dit doen.