Getroue LiefdeVoorbeeld

Lees: Hosea 1:2, 1 Konings 15:33-16:7, 1 Konings 16:23-34

SOAP: 1 Konings 16:26

Hy het die pad van Jerobeam seun van Nebat geloop en dieselfde sonde gedoen as dié waarmee Jerobeam vir Israel laat sondig het, sodat hulle die Here die God van Israel met hulle afgodsbeelde uitgetart het. - 1 Konings 16:26

Die Here het aan Hosea gesê: "Gaan, neem vir jouself 'n prostituut met buite-egtelike kinders." Wag. Wat? Hy moes met 'n wat trou? 'n Prostituut? Dis ‘n vreemde versoek, is dit nie? Ek kan my nie indink wat deur Hosea se gedagtes moes gaan toe hy gehoor het wat God van hom vra nie.

Hierdie owerspelige huwelik was 'n duidelike illustrasie van hoe Israel die Here verlaat en verwerp het. Ons sien hoe koning na koning van Israel "in die sondes van Jeróbeam wandel", gevolmagtigdes wat nie net verkeerde dinge gedoen het in die oë van die Here nie, maar wat meer kwaad gedoen het as hulle voorgangers.

In 1 Timoteus 2 versoek Paulus die jong Timoteus om vir alle mense te bid, maar veral vir konings en almal wat hoë posisies beklee. Paulus het geweet hoe belangrik dit is om nie op te hou om vir ons heersers te bid nie. Kla jy oor diegene wat jou land regeer, jou provinsie, jou stad? Bid vir hulle! Bid dat "ons 'n rustige en stil lewe kan lei in volkome toewyding aan God en in alle eerbaarheid." (1 Timoteus 2:2) 

Liewe Vader, help my asseblief om te onthou om vir die owerhede van my land te bid. Moenie toelaat dat my hart gevul word met ongesonde klagtes nie. Help my om altyd vir hulle te bid, sodat hulle U kan ken en 'n waardige lewe vir U kan leef. Amen.