'n Plek Aan Die TafelVoorbeeld

Die Bybel 

Daar is wie weet hoeveel soorte tale in die wêreld, en nie een is sonder betekenis nie. — 1 Korintiërs 14:10

Het jy al ooit met iemand probeer praat wat nie dieselfde taal as jy praat nie? 

Dit kan nogal 'n komiese ervaring wees — elkeen wys verwoed na verskillende dinge, so asof hulle 'n raaiselspeletjie speel. Hoe meer jy egter misverstaan word, hoe groter word jou frustasie. Nie jy of die ander persoon kan geblameer word nie — julle gebruik net nie dieselfde taal om julself uit te druk nie. 

Om aan die tafel van God se koninkryk te sit, bring jou in aanraking met iemand van Papoea-Nieu-Guinee wat Mekeo praat, 'n dowe van Roemenië wat gebare taal praat of 'n vrou wat 'n Peruviaanse taal praat van Napo Quechua. Die wêreld het baie tale, en almal maak vir God saak (1 Korintiërs 14:10). 

Mense kom in 'n verhouding met God en sy Woord wanneer hulle dit ontvang in 'n taal of vorm wat hulle verstaan. 1 Korintiërs 14:9b stel dit so: "As julle ongewone tale of klanke gebruik en nie 'n verstaanbare woord praat nie, hoe sal 'n mens weet wat daar gesê word? Dan praat julle mos in die wind!" 

Ons roeping as volgelinge van Christus, is om die evangelie met ander te deel. Dis om mense op enige plek te ontmoet en hulle bekend te stel aan die God wat hulle taal praat.

Stof tot nadenke:

• Watter taal sou jy graag wou kan praat?
• Watter mense het jou help vorm en jou geloof laat groei?
• Hoe verander dit jou lewe omdat jy 'n Bybel in jou eie taal het?

God het vir Misriani gevra om iets te doen wat sy nooit gedink het sy wou doen nie — om buite haar gemaksone te gaan en die evangelie aan mense in haar taal te bring!