Verlosser - Die Belofte VervulVoorbeeld

Lees: Johannes 20:30-31, Johannes 3:14-15

SOAP: Johannes 20:31

Vir sy naam het vroeë Christene ‘n gruwelike dood gesterf in arenas waar hulle leeus en wilde diere met hulle blote hande moes beveg. Vir sy naam is baie mense vervolg, gekruisig en uit hul huise verban. Vir sy naam word mans en vroue regoor die wêreld vandag vervolg. Vir sy naam verhuis baie Christene vandag na vreemde lande waar hulle hul kinders weg van hul geliefdes in afgeleë gebiede grootmaak om God as sendelinge te dien en die boodskap van verlossing te versprei. Hoekom? Omdat daar krag is in die naam van Jesus. In die Naam van Jesus sal elkeen wat in die hemel en op die aarde en onder die aarde is, die knie buig, en elke tong sal erken dat Jesus Christus Here is! (Filippense 2:10-11).

Het jy al opgemerk hoe Satan die naam van Jesus uit elke openbare plek probeer verwyder? Hy het Jesus se naam verban en bespotlik gemaak sodat minder en minder mense weet wie Hy werklik is en hoe hulle gered kan word? Dit het nie toevallig gebeur nie. Satan beroof, moor en vernietig. En dis juis waarom ons die naam van Jesus tydens die Kersgety moet ophef!

Hemelse Vader, dis wonderlik om van Jesus te leer deur die Skrif. Ek prys U dat U vir ons die Heilige Bybel gegee het, sodat ons die lewe en wonderwerke van Jesus kan ervaar. Dankie dat U vir ons verlossing skenk deur sy naam. Amen.

Prettige feit: Weet jy waarom die naam van Jesus soms in 'n vis uitgebeeld word? 'n Eenvoudige vis was die geheime simbool van die vroeë Christene omdat die woord "vis" in Grieks (ΙΧΘΥΣ jy kan dit lees as ichthys), 'n akroniem is vir die naam van Jesus. Kom ek probeer om dit te verduidelik - "Ἰησοῦς Χριστός, Θεοῦ Υἱός, Σωτήρ" (Iēsous Christos, Theou Yios, Sōtēr), wat in Engels as 'Jesus Christus, Seun van God, Verlosser' vertaal word. As jy die eerste letter van hierdie vyf Griekse woorde saambring, kry jy ἸΧΘΥΣ, wat "vis" beteken.

Mini uitdaging: Hoe kreatief kan jy wees met die naam van Jesus? Maak ‘n vis met enige materiaal wat jy by die huis het en sluit die naam van Jesus daarby in, en vind dan 'n prettige manier om dit by jou Kersfeesversierings in te sluit.