Onbeskaamde Ouerskap DagstukkeVoorbeeld

VREUGDE IN BEPROEWINGS, PYN IN OORWINNINGS

Jesus het hierdie gelykenis vertel tydens 'n ete waar 'n Fariseër die gasheer was. 'n "Sondige" vrou het 'n pad oopgeveg tot by Jesus se voete. Sy het gehuil en sy voete met haar hare afgedroog. Sy het parfuum op sy voete gegooi, en dit het die gaste geweldig ontstel. Die gaste was nog meer verbaas toe Jesus haar al die dinge toegelaat het, haar geloof erken en haar sonde vergewe.

Jesus het die Fariseër en die sondige vrou met mekaar vergelyk. Altwee moes vergewe word, maar net een het die behoefte raakgesien. Haar sonde was opsigtelik en sy kon nêrens heen gaan behalwe na die Verlosser toe nie. Sy sonde was onopsigtelik, behalwe vir God. Sy sukses het hom trots gemaak en hy het nie besef dat hy 'n Verlosser nodig gehad het nie.

Wees versigtig met 'n gehoorsame kind. Jy loop die gevaar om die min verkeerde dinge oor te sien omdat "hy altyd so gehoorsaam is!" Ons almal moet soms fouteer sodat ons kan besef dat ons God se genade nodig het. Moenie toelaat dat jou kind se oorwinnings hom van God verwyder nie.