Liefde sonder vooroordeelVoorbeeld

Lees: Hebreërs 4:12-13

SOAP: Hebreërs 4:13

Die skoonheid van God se Woord is dat wanneer ons 'n bekende vers lees, God 'n ryker, dieper betekenis openbaar, afhangende van die seisoen waarin ons is. Het dit al met jou gebeur? Skielik word 'n vers wat ons al 'n miljoen keer gelees het, lewendig op die bladsy van ons Bybel en ons vind 'n nuwe betekenis daarvoor. Wanneer ons tyd met God se Woord spandeer, begin die lewe sin maak.

God se Woord is lewend en aktief. Dit gee ons nuwe perspektief. Dit help ons om te onderskei wat reg en wat verkeerd is. Dit openbaar ons sonde ten volle.

God se Woord is skerper as enige tweesnydende swaard - dit penetreer en ontbloot ons innerlike hart. God sien ons harte en sy Woord laat ons toe om dit ook te sien. "Die hart is bedriegliker as enigiets anders, hy is ongeneeslik; wie kan hom verstaan?" (Jeremia 17:9).

Liewe vriendin, onder die lig van God se Woord, is ons almal naak en blootgestel voor die oë van die Here. Ons kan probeer om ons sonde te ignoreer en onsself te mislei, maar die Heilige Gees bemagtig die bediening van die Woord om diep werk in ons harte te doen. Wandel jy daagliks in God se Woord?

Liewe Vader, dankie vir u lewende en aktiewe Woord wat lig gee in die donkerste hoek van my hart. Help my om te onthou dat niks in my hart, siel of verstand vir U verberg kan word nie. Amen.