Liefde sonder vooroordeelVoorbeeld

Lees: Jona 2:5-7

SOAP: Jona 2:6

Het jy al ooit 'n lewensbedreigende ervaring gehad? Dalk het jy of 'n geliefde 'n ernstige siekte onder lede gehad, 'n motorongeluk of groot trauma beleef. Dit het met my gebeur toe my dogtertjie vier maande oud was. Sy het skielik ophou asemhaal ... en my hart het gelyktydig ophou klop.

My man het met ons dogtertjie na die mediese sentrum gejaag, ek het agterna gekom met ons tweejarige seun. Gedurende die tien minute rit kon ek net tot God uitroep: "Asseblief, Here, red haar!" Toe ek daar aankom, het ek geen idee gehad of my dogtertjie nog leef of nie. Toe ek haar uiteindelik sien asemhaal, het trane van vreugde en verligting oor my gesig begin rol. Daardie ervaring het ons lewens vir altyd verander.

Ek kan my voorstel hoe die episode in die buik van daardie vis Jona se lewe verander het, net soos ander ervarings ook jou lewe verander en gevorm het. Rick Warren het gesê, "Jy weet nooit dat God al is wat jy nodig het nie, totdat God al is wat jy het."

Wanneer ons in die diepste en donkerste put is, kan net God ons daaruit red. Wanneer ons tot God roep vir hulp, sal Hy ons red. Dit mag dalk nie presies wees soos ons ons dit voorgestel het nie, maar dit sal volgens sy volmaakte wil wees. En Hy sal, op 'n manier wat ons dalk nie verstaan ​​nie, alles laat uitwerk vir ons beswil en sy heerlikheid.

Abba Vader, ek dank U, want U kan my geroep hoor en my red wanneer ek selfs in die donkerste put is. Dankie vir die talle kere wat U my gehelp het. Help my om u liefde en u perfekte wil te onthou, selfs in die moeilikste situasies. Amen.