Liefde sonder vooroordeelVoorbeeld

Lees: Jona 4:4,

SOAP: Romeine 3:23, Miga 6:8

Gister het ons 'n baie woedende Jona gesien. Hy was kwaad om te sien dat die inwoners van Ninevé God se genade ontvang - iets wat nie net aan die inwoners van Ninevé geskenk is nie, maar ook aan Jona self.

Ek stel myself voor hoe God, op die mees liefdevolle manier vir Jona vra: "Regtig Jona? Word jy kwaad omdat ek vir die Nineviete dieselfde doen as wat Ek vir jou gedoen het en steeds doen? Dink jy regtig dat jy goed doen deur kwaad te wees? Dis ek wat ontsteld moet wees!"

Doen jy goed deur kwaad te wees? Hierdie Skrif kom dikwels in my gedagtes op wanneer ek myself hoor praat in 'n harde, genadelose stem. Of wanneer ek oorreageer as iets nie volgens my verwagtinge gedoen word nie.

God is die enigste een wat die reg het om kwaad te word. Hy is die een wat al my mislukkings, my sondes, my oortredinge sien. En steeds kies Hy om my lief te hê. Maar ek dink ek het die reg om kwaad te wees wanneer ander dinge verkeerd doen of nie aan my standaarde voldoen nie.

Romeine 3:23 verklaar dat almal gesondig het en nie deel het aan die heerlikheid van God nie. Ons almal. En steeds vergewe Hy ons elke liewe dag. Het jy onlangs aandag geskenk aan God se genade? Het jy al die maniere gesien waarop Hy jou genadig is? Kom ons begin om ook genade aan ander te skenk.

Hemelse Vader, help my om altyd reg te laat geskied, liefde en trou te bewys en bedagsaam voor U te lewe.  Ek wil nie veroordelend of kwaad teenoor ander wees wanneer dinge nie gaan soos ek gedink het dit sal nie. Help my om u liefde en genade aan ander mense wat U in my lewe geplaas het, te bewys. Amen.