Jesus: Die Groot Hoëpriester — Die Jesus Is Groter ReeksVoorbeeld

Die Melgisedek Priesterskap Punt 2  

Gedagtes oor die Woord

Jesus is nie soos die priesters wat God deur Moses aangestel het nie. Hy is soos Melgisedek. Hier is die redes:

-- God se nuwe verbond het 'n ander, verskillende soort hoëpriester nodig gehad.

-- Jesus het uit 'n ander stam van Israel gekom (Juda) en nie uit die priesterlike stam van Levi nie — Levi was die stam wat deur God bestem is waaruit die priesters van die ou verbond sou kom.

-- Hierdie nuwe verbond sou ons heeltemal rein maak en ons vergewe. Dit het 'n hoëpriester vereis wat dit kon laat gebeur het. Dit was Jesus.

-- Jesus is aangestel omdat God sy nuwe belofte wou nakom. Die ou Levitiese priesters is aangestel omdat hulle deel was van die priesterlike geslag (van vader na seun). Hulle was nie in staat om God se nuwe belofte te vervul nie.

Dus sien ons dat God Iemand spesiaal nodig gehad het om sy hoëpriester te wees vir hierdie nuwe verbond wat Hy met ons wou sluit. Die priesters wat deur Moses aangestel was, was nie in staat om dit te doen nie. Hierdie hoëpriester (Jesus) sou baie verskil het en sou voldoen aan die vereistes wat die nuwe verbond meegebring het.

Gebed

Vader, ons besef net nie hoe wonderlik u nuwe verbond is nie. Dit is soveel beter – dit kan ons van al ons sondes vergewe. Selfs die hoëpriester wat hierdie nuwe verbond kon vrystel, moes spesiaal wees.

Vader, U het vir alles gesorg tot die fynste besonderhede. Ons sou nie aan al hierdie dinge kon dink nie – maar U het. Vir hoeveel ander klein dingetjies in ons lewens sorg U waarvan ons nie eens bewus is nie? Tog word dit alles volmaak hanteer. U is 'n God wat vir alles sorg tot in die fynste besonderhede.

Vader, vandag vra ons dat U aan elkeen van ons net een van daardie klein dingetjies sal bekendmaak waarvoor U sorg. Net een waaraan ons nooit dink nie – wat deur U volmaak gedoen word. Dan sal ons jubel en dankbaar wees, want daar is baie sulke klein dingetjies in ons lewens wat hanteer moet word – en ons kan op U vertrou om dit te doen. In die Naam van Jesus. Amen.