Sewe Sleutels tot Emosionele HeelheidVoorbeeld

Sleutel 6: Moenie Langer By Vorige Mislukkings Stilstaan Nie

Oorwinning is God se wil vir die lewe van die gelowige. Soms kan ons egter vind dat ons herhaaldelik in dieselfde sondes verval. Gevolglik word ons lewens deur gebreekte beloftes gekenmerk, om 'n einde aan verkeerde optredes te maak. Ons sê vir die Here dat ons smag om te doen wat reg is, maar dikwels neem ons begeerte af wanneer die deug nie meer gerieflik, aangenaam of winsgewend is nie. Baie keer word gelowiges kwaad vir God omdat Hy die oorwinning weerhou het. Sonde is egter altyd ons keuse — nie die Here s'n nie. 

Wanneer ons waarlik ons van ons sondes bekeer, die Here om vergifnis vra en die lewende Christus vertrou om ons te bemagtig, skep ons 'n kragtige mag teen die Satan en versoeking. Ons triomfeer oor ons mislukkings wanneer ons onthou dat Jesus Christus die bron van ons lewens is, en God verseker ons dat die oorwinning ons s'n sal wees wanneer ons op Hom steun. 

Om God se vergifnis te ontvang en as oorwinnaars te leef, is óók om jouself te vergewe. Sodra God jou vergewe het, het jy geen aanspraak op jou vorige sondes, mislukkings of swakhede nie. Jy is 'n nuwe mens in Christus Jesus (2 Korintiërs 5:17). Elke keer as jy ​​by jou mislukkings uit die verlede stilstaan, sluit jy jou hart en gedagtes toe vir die seëninge wat God vir jou wil gee. Dink eerder aan die baie maniere waarop die Vader jou al in jou lewe gehelp en geseën het. Wanneer jy vind dat jy aan vorige mislukkings dink, herinner jouself dat God jou van sonde verlos het. Wend dan jou gedagtes na die positiewe dinge wat Hy al vir jou, in jou en deur jou gedoen het. Begin deur Hom te loof vir sy goedheid, en staan nie langer stil by die sonde wat jou gebind het nie.