Die Lydenstyd Oordenking: HerstelVoorbeeld

Herstel: Oos-Afrika Krisis Oproep — een jaar later

Tearfund werk saam met plaaslike vennote in Oos-Afrika om nood-kosvoorrade na diegene te bring wat niks het om te eet nie, nadat 'n wydverspreide droogte 23 miljoen mense op die rand van hongersnood gelaat het.

Dorcas, van Ethiopië, is 70 jaar oud en was, as gevolg van die droogte, nie in staat om enige kos vir haar gesin te verbou nie. "Ek kan nie daardie drie dae vergeet toe ons elke dag sonder kos moes gaan slaap nie."

Dis teen daardie tyd wat Dorcas ondersteuning begin ontvang het — mielies, bone en kookolie — van een van Tearfund se vennote. "Dank die Here! Ons het nou drie maaltye per dag. Hierdie hulp het ons lewens gered! God seën julle!"

Hemelse Vader, dankie dat elkeen van ons 'n bydrae kan lewer om u wêreld te herstel. Help ons in hierdie Lydenstyd om geleenthede raak te sien wat aan ons gegee word om hoop te bring aan die mense om ons wat in nood verkeer. Ons dra almal aan U op wat ly as gevolg van die koskrisis in Oos-Afrika. In die Naam van Jesus. Amen.

Beth Mather, Tearfund

Behalwe kosbystand, verskaf Tearfund ook skoon water, sanitasie, higiënedienste en kontanttoelaes aan buitengewoon kwesbare gesinne wat deur die droogte geraak word. Besoek ons Oos-Afrika Krisis Beroep-blad om meer uit te vind.