Lewensbeginsels Waarvolgens Jy Kan LeefVoorbeeld

Gehoorsaamheid Bring Altyd Seëninge

Lewensbeginsel 21: Gehoorsaamheid bring altyd seëninge.

Die Here se eenvoudige versoeke dien dikwels as die eerste treë vir die lewe se mees wonderlike seëninge. Simon Petrus illustreer wat kan gebeur wanneer ons vir God "ja" sê.

Eendag het 'n groot skare rondom Jesus gestaan terwyl Hy gepreek het (Lukas 5:1-11). Jesus wou Petrus se boot as 'n drywende platform gebruik om die massa toe te spreek, en Hy vra die toekomstige apostel om die bootjie 'n klein entjie van die strand af weg te neem — op sigself nie 'n merkwaardige versoek nie. Petrus se gewilligheid het egter die weg vir lewensveranderende seëninge gebaan. Uit hierdie voorbeeld leer ons hoe belangrik dit is om God te gehoorsaam, selfs in die kleinste dingetjie.

Aan die einde van sy les, het die Here vir Petrus beveel: "... Vaar uit na die diep water toe en gooi julle nette uit om te vang" (Lukas 5:4). Miskien was Petrus lus om te weier. Hy was tog 'n gesoute visserman, was hy nie? Hy het die hele nag probeer visvang en leë hande teruggekom. Nou vra hierdie jong leermeester (nie eens 'n visserman nie, maar 'n timmerman) hom om weer te gaan visvang?

In geloof reageer Petrus met die volgende woorde: "Meneer, antwoord Simon, 'ons het die hele nag hard geswoeg sonder om iets te vang, maar op u woord sal ek die nette uitgooi" (Lukas 5:5). Dit was hierdie antwoord wat die begin van Petrus se leeftyd van geloof in God demonstreer. Die toekomstige dissipel het gekies om aan die Here gehoorsaam te wees en die gevolge van sy besluit aan Hom oor te laat.

As gevolg van Petrus se gehoorsaamheid, demonstreer Jesus sy mag en soewereiniteit. Vir Petrus en sy medevissermanne het die dag dalk begin met hul pogings wat niks resultate gelewer het nie, maar die dag het geëindig met hul algehele verwondering terwyl hulle nie net een nie, maar twee oorvol bootvragte vis uittrek (Lukas 5:7). Om ja te sê vir die Here se versoek het gelei tot 'n wonderwerk wat nie slegs een visserman se lewe verander het nie, maar die lewe van die hele groep.

Miskien huiwer jy om God te gehoorsaam omdat jy vir die gevolge van jou besluit vrees. Die Here gee jou opdrag om Hom bo alles te vrees. Dieselfde soewereine, alomteenwoordige God wat jou hart laat klop en die planete laat wentel is meer as in staat om die gevolge van jou besluit te hanteer. Wanneer jy besluit om Hom te gehoorsaam, sal Hy jou seën. Gehoorsaamheid lei altyd tot seëninge. Maak dit dus jou doel om die Here te gehoorsaam en kyk hoe Hy in jou lewe werk.