Ontdek jou Finansiële PadVoorbeeld

Geld red ons nie. Jesus red ons.

Geloof — maak nie saak hoe klein nie — is baie kragtig. In die boek Johannes, vertel Johannes, een van Jesus se volgelinge, van 'n tyd toe Jesus so vurig was dat Hy tot laat in die aand gepreek en mense onderrig het. Die mense het honger geword, daarom het sy volgelinge Hom gevra om klaar te maak en die skare vir aandete huis toe te stuur. In plaas daarvan het Jesus vir sy volgelinge gesê om kos te vind. Al wat hulle kon kry, was 'n klein seuntjie se middagete. Daardie dag het Jesus meer as 5000 mense met vyf brode en twee klein vissies gevoed.

Praat van 'n wonderwerk! Omdat een klein seuntjie alles gegee het wat hy gehad het, is duisende mense gevoed met "... soveel van die vis as wat hulle wou hê" (Johannes 6:11). Die seun het nie net meer kos teruggekry as wat hy gegee het nie, hy kon dit met duisende deel omdat daar so baie was.

God vra ons nie om te gee omdat Hy nodig het wat ons het nie. God wil hê ons moet gee omdat ons nodig het wat Hy het. Jou geloof om te gee het 'n groter invloed as wat jy óóit kan dink. Wanneer ons besluit om op te staan ​​en te gee, sal God ons geloof gebruik om wonderwerke te doen.

Dink hieroor:
1. Hoe sal jy jou geloof in God se vermoë om te voorsien op 'n skaal van 1 tot 10 beoordeel? Hoekom het jy dié getal gekies?
2. Wanneer het jy laas 'n wonderwerk gesien? Wat het daardie dag gebeur? Hoe het dit jou geloof versterk?
3. Elke wonderwerk begin met 'n geloofstap. Vir watter wonderwerk rakende jou finansies vra jy vir God? Watter geloofstap moet jy neem?

Bid:
Jesus, toe U my gered het, het U my van die dood na die lewe gebring. Ek is 'n wandelende wonderwerk! Vermeerder my geloof terwyl ek leer om U te vertrou in elke area van my lewe, nie net vir my verlossing nie.