Ontdek jou Finansiële PadVoorbeeld

Almal kan tiendes bekostig.

'n Ryk man in die Bybel het 'n probleem gehad wat baie mense graag sou wou hê. Wat doen jy as jy meer besittings het as plek om dit in te stoor? Die man het 'n geweldige groot oes gehad, meer as wat hy of sy familie óóit kon gebruik. Waar sou hy egterdie oortollige oes bêre? Hierdie ryk man het besluit die ideale oplossing was om groter skure te bou om sy rykdom te beskerm. Die man se skynbaar onwankelbare ryk het binne oomblikke geval met 'n teregwysing van God af:

"... Jou dwaas. Vannag nog sal jou lewe van jou opgeëis word, en wie kry dan alles wat jy bymekaargemaak het? So gaan dit met hom wat vir homself skatte vergader en nie ryk is by God nie" (Lukas 12:20-21).

Hier was 'n man wat oorvloed gehad het, maar so gierig soos die graf. Dit was as gevolg van sy gierigheid dat hierdie man dood is. Om van God te steel — die Een wat lewe gee — sal net tot gevolg hê dat jy jouself van die ware lewe beroof. Ons almal wil gereed wees vir die toekoms, maar hoe vind jy 'n balans tussen wyse besparing en vrygewigheid?

Dink hieroor:
1. Op watter een manier kan jy weet wanneer jy gierig is?
2. Hoe beskerm vrygewigheid ons teen gierigheid?
3. Wat kan jy vandag weggee?

Gebed:
Jesus, U het my so baie gegee! Beskerm my hart teen gierigheid en wys my hoe ek vandag vrygewig kan wees.