Ontdek jou Finansiële PadVoorbeeld

Elke sent tel.

Die meeste Amerikaners beskou hulself nie as ryk nie. As jy in die Verenigde State woon, is jy een van die rykste mense ter wêreld. Amerikaners is met geld en hulpbronne geseën, maar hulle het 'n verantwoordelikheid ten opsigte van dit wat God aan hulle gee.

God beveel ons om 10 persent van ons inkomste as 'n tiende na die kerk terug te bring. Wat van die res van ons inkomste? Net omdat God ons vryheid gee om 90 persent van sy geld uit te gee, beteken dit nie dat daar nie gevolge is oor hoe dit gebruik word nie. God gee om vir die 90 persent, omdat Hy vir jou omgee.

God wil hê ons moet ons geld geniet. Hy wil nie hê ons moet ons hoop daarop plaas of daaraan verslaaf raak nie. Hoe dit ook al sy, geld is 'n slegte baas wat veroorsaak dat ons meer wil hê. Deur God in alles te vereer, nie net met ons tiende nie, beskerm ons onsself teen die versoeking dat geld ons god word.

Sommige van ons dink, om God met alles te vereer beteken dat ons meer vrygewig moet wees. Ons kan nie besit word deur wat ons nie het nie. Vir ander is die volgende stap om te leer spaar. Deur te spaar word die skuldkringloop verbreek, sodat ons kan begin vra: "Wat wil God hê moet ek doen?" in plaas van "Wat wil ék doen?"

Welvaart is een van vele maniere waarop Jesus ons seën met meer as wat ons verdien. Daar is niks verkeerd daarmee om die oorvloed wat God ons gee te geniet nie, solank ons nie die geskenk aanbid in plaas van die Gewer van hierdie geskenk nie.

Dink hieroor:
1. Sien jy jouself as ryk? Hoekom of hoekom nie?
2. Gebruik jy jou ander 90 persent verantwoordelik? Op watter manier moet jy jou rentmeesterskap verander om meer getrou aan Jesus te wees?
3. Het jy hulp nodig om 'n plan vir die oorblywende 90 persent uit te werk?

Bid:
Jesus, dankie dat U my ryk maak! Wys my hoe om U te vereer met al my geld, nie net met my tiende nie.