Ontdek jou Finansiële PadVoorbeeld

Maak voorsiening vir jou toekoms.

Die meeste mense is nie finansieel voorbereid vir hul toekoms nie. Studies bewys dat soveel as 90 persent van ons nie op koers is om gemaklik af te tree nie. Te veel mense het die leuen geglo dat, eendag as ons geld het, kan ons begin om vir die toekoms te beplan. Daardie soort denke verseker dat aftrede nooit kom nie.

Om net een keer R700 eenkant te sit, sal nie jou finansiële toekoms verander nie. Om egter gereeld 'n bietjie geld oor 'n lang tydperk eenkant te sit, sal groot belonings vir die toekoms inhou. Daar is geen bedrag wat te klein is om mee te begin spaar nie en geen beter tyd as nou nie. Jy mag dalk nie 'n miljoenêr, loterywenner of aandelemakelaar wees nie, maar dit beteken nie dat jy nie kan begin spaar nie. Daaglikse getrouheid met wat jy het, kan langtermynvoordele inhou.

Jesus het 'n ongelooflike toekoms vir ons beplan, en wanneer ons van dit wat vir ons gegee is spaar, bevry ons onsself om te reageer op wat God vir ons in die toekoms wil gee.

Dink hieroor:
1. Watter drie woorde sal jy gebruik om jou gevoelens oor jou finansiële toekoms te beskryf?
2. Besparing hoef nie te beteken dat jy elke maand groot bedrae geld eenkant sit nie. Watter een ding kan jy verander om vandag te begin spaar?
3. Hoe het jou getroue optrede ander gebiede van jou lewe verbeter? Waarom sal die resultate anders wees wat geld betref?

Bid:
Jesus, U het, voordat ek gebore is, geweet dat ek u verlossing nodig sal hê. U was by God tydens die skepping van die wêreld en het 'n pad vir my oopgemaak om God te ken nog voordat ek 'n gedagte by my ouers was. Dankie dat U 'n beplanner is. Help my om ook 'n beplanner te wees.