Spreuke 6:1-5

My kind, wanneer jy vir 'n vriend borg gestaan het, wanneer jy dit belowe het vir 'n vreemde mens, dan het jou eie woorde jou gevang, en jy het groot probleme omdat jy dit gesê het. My kind, dít is wat jy dan moet doen: Jy moet jouself red, want daardie persoon kan nou besluit wat met jou sal gebeur. Jy moet by hom gaan soebat, jy moet hom aanhou vra en lastig wees, jy moenie slaap of rus nie, jy moet jouself red soos 'n wildsbok homself red van 'n jagter, soos 'n voël homself red van 'n voëlvanger.