Thola i AppUhambo Oluya EmkhonjeniIsampula
Uhlelo LukaNkulunkulu Lokuhlenga
Ngenkathi uJesu eza emhlabeni, abantu Bakhe uqobo abamazanga. Noma amaJuda ayebusiswe ngobufakazi babaprofethi kanye nomlando omude wokwethembeka okuqhubekayo kukaNkulunkulu, abamqaphelanga uMesiya okwase kuyisikhathi eside elindelwe. Babelokhu bethi Useza ezobasindisa kubacindezeli babo bezepolitiki, aqede inkolo yobuqaba nokugqilazwa umbuso wamaRoma. Wayezongenisa umbuso kaNkulunkulu. Ezingqondweni zabo, lokho kwakusho ukuvuselela izizwe eziyishumi nambili zakwa-Israyeli ukuthi zivelele futhi zibe namandla.
Kodwa uJesu akazange eze ukuzolungisa umlando ngokususa abeZizwe abangamaqaba abadelelekile. Weza ukuletha umbuso ongewona lo mhlaba-nokuletha iqiniso nobukhona bukaNkulunkulu emhlabeni ophukile.
Sihluke kanjani kulabo abaphuthelwa ukufika kweNkosi yabo lapho ukuziqhenya kusiphuphuthekisa eqinisweni lecebo likaNkulunkulu lokuhlenga? Sengathi singafana nalabo abambalwa ababenamehlo angokomoya avulekile ukubona ukuza kweqiniso kombuso Wakhe.
Ongakwenza: Ujesu wasifundisa ukuthi sithandazele ukuthi umbuso uze. Cela umuntu ongamazi ukuthi ungabathandazela yini ngezidingo zabo ezithile.
UmBhalo
Mayelana naloluHlelo
Ngobusuku obuthule eminyakeni ewu-2000 eyedlule, izingelosi zaletha izindaba zokuzalwa koMsindisi eqenjini labelusi ababeluse imihlambi yabo. Futhi ngemuva kokuzwa lezi zindaba, labo belusi bashiya konke ukufuna umntwana emkhombeni eBetlehema. Yonke le minyaka kamuva, isimemo asikashintshi. Joyina uDkt. Charles Stanley njengoba ekusiza ukuba usondele kuMsindisi futhi ekukhuthaza ukuthi wenze isikhathi sokuphumula othandweni lukaBaba kule sizini
More
