Ukubhekana NomuzwaIsampula

Ngesinye isikhathi wonke umuntu UYACASUKA—uyakwata, akhungatheke, alimale, abe nomunyu, noma abe nomona. Ukuzizwa uthukuthele ngokuvamile kusho ukuthi unomuzwa wokuthi kukhona owenze okungalungile. Ukuzizwa ucasukile nakho kungavela ezintweni ezingahambi ngendlela obufuna zihambe ngayo. Ngezinye izikhathi lokhu kuphenduka kube nomuzwa wokuthi uNkulunkulu wenze okuthile okungalungile kuwe. Akukubi ukuzizwa UTHUKUTHELE. UJesu WATHUKUTHELA elapha emhlabeni, noNkulunkulu uyathukuthela.

Kodwa imizwa yokuthukuthela ivamise ukuphenduka ibe yizinqumo eziyisono. Imizwa yokucasuka ifana nomlilo esifuna abantu bazi ukuthi omunye umuntu ubenephutha kangakanani ngakho silokhu siphonsa izinkuni eziningi noma isibaseli emlilweni ukuze uqhubeke ngokucabanga ngakho futhi sitshele abantu ngakho futhi sibambe imizwa yokucasuka. Kodwa yithina esizosha ngokuhlala siseduze nomlilo. Lapho uzama ezinye izinto njengokuthethisa umuntu, ukushaya udonga, ukuklabalasa emcamelweni wakho, noma ukuzama ukuziphindiselela kumuntu ngokumlimaza, lezo zinto ngeke ziyipholise ngempela inhliziyo yakho. Usazothukuthela.

Ukuphela kwendlela yokuyeka ukucasuka ukuxolela. Ngezinye izikhathi kulula lokho; uvele weqe ngokuhamba kwesikhathi futhi ubone ukuthi bekungeyona into enkulu kangako. Ukuthethelela kunzima ngempela ngezinye izikhathi—ikakhulukazi lapho umuntu engakufanelanga futhi engazisoli. UNkulunkulu unamandla okuthethelela ngisho nabantu ababi kakhulu abake baphila, futhi angasinika lawo mandla uma sicela. Isho lokhu ngokuzwakalayo, “Lapho ngizizwa NGICASUKILE, uNkulunkulu unginika amandla okuthethelela!”