Thola i AppIndumiso: Isifundo kumaHuboIsampula
Kuthini na?
UDavide wacela isiqondiso nomusa kuNkulunkulu ngenkathi edumisa ubuhle bukaNkulunkulu nothando olungapheli.
Kusho ukuthini na?
Leli hubo aliguquki phakathi kwamazwi kaDavide osizi nokudumisa. Izimbangela zosizi lwakhe zazihlukene kusukela ekuhluphekeni kuya emzimbeni wakhe, uzungu lokumbulala, nokukhashelwa abangani bakhe. Ngenxa yokukhathazeka ezicini eziningi kangaka zokuphila, uDavide wahlaselwa imizwelo. Nokho, ukuthembela kukaDavide eNkosini kwasibekela izinkathazo zesikhashana zokuphila kwakhe. Lapho uDavide ehambisa imizwa yakhe kuNkulunkulu wakhe othembekile, waphinde waba nethemba.
Ngiphendule kanjani na?
Esikhathini esithile, kungenzeka uye wasebenzisa inkulumo ethi, “Lapho lina, liyana,” ukuze uchaze izimbangela eziningi zokucindezeleka nosizi ekuphileni kwakho. Lapho inselelo eyodwa ngemva kwenye ilokhu ingena, imizwelo yakho ingaphelelwa amandla, futhi intukuthelo yakho ingase ibe mfushane. Nakuba uNkulunkulu asidala saba nemizwelo, wayengahlosile ukuba isilawule ngemizwelo yethu. Yimiphi imizwa oyidingayo ukuze uzithobe eNkosini njengamanje - ukukhathazeka, intukuthelo, ukwesaba, umhawu? Ukubeka ithemba lakho eNkosini ukuthi izokusiza esimweni ngasinye kuyokwenza ukhululeke emoyeni futhi kukugcine ugxile ethembeni.
UmBhalo
Mayelana naloluHlelo
Amahubo ayiqoqo lezinkondlo nezingoma ezabhalwa eminyakeni engu-1,000. Nakuba iHubo liqukethe izindumiso zenjabulo nezililo ezidabukisayo, yonke incwadi ifakazela uthando oluqotho lukaNkulunkulu kubantu baKhe kuzo zonke izimo. Njengengxenye eyinhloko yokudumisa yeTestamente Elidala, wonke amahubo alindele uvuthondaba lokudumisa kukaNkulunkulu ekufeni nasekuvukeni kukaJesu Kristu.
More
