Thola i AppIndumiso: Isifundo kumaHuboIsampula
Kuthini na?
Labo abathembela kuNkulunkulu banesizathu sokujabula ngoba iZwi laKhe liyiqiniso, uthembekile kukho konke akwenzayo, izinjongo Zakhe ziyafezeka, futhi umhlaba ugcwele uthando Lwakhe olungahluleki.
Kusho ukuthini na?
Kuhlale kunesizathu sokudumisa uJehova, siqala ngokuthi wakhuluma, kuwo umhlaba nakho konke okukuwo kwaba khona. Futhi, cabanga ukuthi uMdali weZulu nomhlaba uye wembula imicabango Yakhe endalweni Yakhe ngeZwi Lakhe - iBhayibheli. UmBhalo wembula ubunjalo bukaNkulunkulu obulungile, ukulunga, isihe, nokwethembeka kusukela kudala. Izinjongo zeNkosi ngekusasa ziqinisekile njengomlando; akekho umuntu ongamisa izinhlelo Zakhe. Umuntu othembela kuNkulunkulu futhi obeka lonke ithemba lakhe kulokho okulotshwe eZwini laKhe angajabula, nakuba elindele ukuba amacebo akhe afezeke.
Ngiphendule kanjani na?
Kuthiwa umculo uwulimi lomhlaba wonke; unamandla okuvula imizwelo yethu futhi uvumele ukuziveza komuntu siqu. Nokho, umculo othandwayo uyahluka, ngisho nasebandleni. Singakwazi ukujabulela isitayela sezingoma ezikhethiwe kangangokuthi siphuthelwe isizathu sokucula kwasekuqaleni. Izimfanelo zikaNkulunkulu, izenzo, kanye nezinjongo zakhe yizona zizathu esizidingayo ukuba sihlabelele ngokudumisa, kungakhathaliseki ukuthi kungehubo lezinsuku ezidlule noma ingoma yokudumisa esanda kubhalwa. Nakisisa kuleli Sonto amazwi engomeni ngayinye oyiculayo - agcwele iqiniso elivela eZwini likaNkulunkulu. Uma ungakajwayele ukucula phambi kwabantu, gxila ekukhulumeni ngezwi eliphansi kuNkulunkulu njengomnikelo wokudumisa. Singathula kanjani sibe sinezizathu eziningi kangaka zokumdumisa?
UmBhalo
Mayelana naloluHlelo
Amahubo ayiqoqo lezinkondlo nezingoma ezabhalwa eminyakeni engu-1,000. Nakuba iHubo liqukethe izindumiso zenjabulo nezililo ezidabukisayo, yonke incwadi ifakazela uthando oluqotho lukaNkulunkulu kubantu baKhe kuzo zonke izimo. Njengengxenye eyinhloko yokudumisa yeTestamente Elidala, wonke amahubo alindele uvuthondaba lokudumisa kukaNkulunkulu ekufeni nasekuvukeni kukaJesu Kristu.
More
