Thola i AppUkulindela Ukhisimusi: Uhlelo Lwezinsuku Eziwu 5 ze-AdventIsampula
Isithembiso Sokuthula
Kepha ingelosi yathi kubo: “Ningesabi; Nginiphathele izindaba ezinhle ezizizoletha intokozo enkulu kubo bonke abantu. Namuhla emzini kaDavide nizalelwe uMsindisi; unguMesiya, iNkosi.” Luka 2:10-11 NIV
Ezahlukweni ezine ezimfushane zeBhayibheli ezikhuluma ngendaba kaKhisimusi, elithi “ungesabi” kukhulunywa ngalo izikhathi ezinhlanu.
Isikhathi esizungeze ukuzalwa kukaJesu sasingenakho ukuthula. Kwakukhona ukungezwani ebudlelwaneni bukaMariya noJosefa. Kwaku nezinxushunxushu zezombangazwe. Kwakukhona izwe eliqhekekile elalidinga kakhulu uMsindisi. Kuzwakala kujwayelekile?
Ukuzalwa kukaJesu kwakungesinye sezinyathelo ezibaluleke kakhulu ohlelweni lukaNkulunkulu lokuhlenga umhlaba. Ukufika kukaJesu kwakuwukukhanya. Kwakuyisiqalo salokho okwakubukeka njengesiphetho esifiphele, esingenathemba.
UNkulunkulu usithumele iNdodana yakhe ngoba efuna sithole ukuthula kwakhe okuphelele. Njengamanje, yima ucabange ngendawo ethile ekuphileni kwakho lapho ongacela khona uNkulunkulu ukuba athulise inhliziyo yakho, njengoba nje enza kuMariya, uJosefa nabelusi kuyo yonke leyo minyaka edlule.
Umthandazo Wokuthula:
UNkulunkulu,
Siyabonga ngokusithumelela iNdodana yakho, iNkosi yokuthula.
Ngicela uhole inhliziyo nengqondo yami ngokuthula Kwakho kulokhisimusi. Uyazazi izinto ebezingicindezela ngokukhathazeka, ukukwethuka noma ukwesaba.
Ngisize ngigxilise ingqondo yami Kuwe, futhi ungisize ngibone ubukhona obuphathekayo bothando Lwakho.
Ngiyabonga ngokunginakekela, nokulwa izimpi zami eceleni kwami. Awunginiki umoya wokwesaba, kodwa uletha ukuphila nokuthula.
Ngisize ngibeke ukwesaba kwami phambi Kwakho futhi ngithembele Kuwe ngayo yonke inhliziyo yami kulesi sikhathi.
Egameni likaJesu,
Ameni.
Mayelana naloluHlelo
Kaningi, amaholide ayafika aphinde adlule ngaphambi kokuba sibe nethuba lokugxila ekulungiseni izinhliziyo zethu ngoKhisimusi. I-Advent yindlela yethu yokukhumbula ukuthi uNkulunkulu weza waba nathi, usenathi, futhi usazobuya futhi. Ezinsukwini eziwu-5 ezilandelayo, sizohlola izingqikithi ezine ze-Advent: ithemba, ukuthula, uthando, kanye nenjabulo.
More
