Thola i AppOwesifazane Ozithembayo NgokuzinikelaIsampula
Ukuthi abantu abavamile bathatha izinyathelo zokufeza izinto ezingavamisile akusho ukuthi abazizwa besaba. Ngikholwa ukuthi iqhawe leTestamente Elidala u-Esteri wezwa ukwesaba lapho ecelwa ukuba ashiye impilo yakhe ayeyijwayele, enethezekile futhi angene endlini yabesifazane yenkosi ukuze asetshenziswe uNkulunkulu ukusindisa isizwe sakubo. Ngikholwa ukuthi uJoshuwa wezwa ukwesaba lapho, ngemva kokufa kukaMose, enikezwa umsebenzi wokuyisa ama-Israyeli eZweni Lesithembiso. Ngiyazi ukuthi nganginokwesaba lapho uNkulunkulu engibiza ukuba ngiyeke umsebenzi futhi ngilungiselele inkonzo. Ngisakhumbula amadolo ami eqhaqhazela nemilenze yami iphelelwa amandla ngaze ngacabanga ukuthi ngizowa. Ngikhumbula ukwesaba engangikuzwa ngaleso sikhathi, kodwa kuyangethusa nakakhulu manje ukucabanga ukuthi ukuphila kwami kwakuyoba njani ukube angibhekananga nokwesaba futhi ngaphokophelela phambili ukwenza intando kaNkulunkulu.
Ukwesaba akusho ukuthi uyigwala. Kusho kuphela ukuthi udinga ukuzimisela ukuzwa ukwesaba futhi wenze lokho okudingeka ukwenze noma kunjalo.
Khuleka: Nkosi, ngiyabonga ngezibonelo eziningi ezwini lakho zabantu abaqhubekela phambili okholweni naphezu kokwesaba kwabo. Ngisize ngenze okufanayo. Ameni.
Kusukela encwadini ethi Owesifazana Ozithembayo Ozinikeleyo kaJoyce Meyer. Ilungelo lobunikazi ku-2011 ngoJoyce Meyer. Ishicilelwe yi-FaithWords. Wonke Amalungelo Agodliwe.
UmBhalo
Mayelana naloluHlelo
Abesifazane bayisipho esiyigugu esivela kuNkulunkulu asinika umhlaba. Uyadala, unesihawu, uhlakaniphile, futhi, ngokweBhayibheli, ulingana namadoda. Kodwa iminyaka yokuhlukunyezwa nemibono engalungile ngabesifazane iye yabangela abaningi benu ukuba balahlekelwe ukuzethemba uNkulunkulu afuna ukuba nikujabulele. Ungase ube nomuzwa wokuthi ngandlela-thile "ungaphansi" kunamadoda. Awubalulekile kangako. Ufaneleka kancane. Iqiniso liwukuthi, uyigugu kakhulu emphakathini, kodwa okubaluleke nakakhulu kuNkulunkulu. Unkulunkulu ufuna ube nesibindi, uhlonishwe, waziswe, ukhushulwe esikhundleni, ufunelwe, futhi ngaphezu kwakho konke, uthandwe. Futhi kungaba kanjalo! Lokhu kuzinikela kwansuku zonke kuzokuholela empilweni yokuzethemba egcwele uthando, ukuhleka kanye nokwamukela Kwakhe. Bhala kuyo. Yigqamise. Yenza uhambo lube olwakho.
More
