Thola i AppUmoya Ongcwele: Ingabe Siyavutha Noma Asishi?Isampula
Eyabo Bonke
UMoya oNgcwele akabiwa ngelotto, kunabantu abambalwa abakhethwa ukuthi bamukele. Akuwona umdlalo wenhlanhla. Abekho abawinile noma abahluliwe. Labo uNkulunkulu ababizayo, Uyabahlomisa. Maningi amandla anele womke. Akekho oshiywa ngaphandle, futhi akekho othola izinsalela. Ungazikhiphi wena uma usumamukelekile.
Imibhalo icacile futhi ayinakho ukuungacaci. Ukubhabhadiswa ngoMoya oNgcwele akukona nje okwabambalwa “abayizintandokazi zikaNkulunkulu.” Cha, uNkulunkulu akanazo “izintandokazi”. Eqinisweni, sonke siyizintandokazi Zakhe. NgoSuku lwePhentekoste, amadoda nabesifazane abayi-120 babeseGumbini Eliphezulu eJerusalema, futhi sifunda kuzEnzo 2:3 no-4, “Khona-ke kwabonakala kubo izilimi ezihlukene kungathi ezomlilo, wahlala phezu kwalowo nalowo kubo. Base begcwaliswa bonke ngoMoya oNgcwele...” Akubanga nje ukuqondana futhi AKUKHO LOTTO! “Ngamunye” kwabangu-120 bamukela futhi “bonke” bagcwaliswa. Ubulili babo babungeyona into ecatshangelwayo, iminyaka yabo noma uhlanga noma isikhundla empilweni.
Kumele ukuba othile ezulwini wabala amakhanda, njengoba ilangabi elilodwa lawela “kulowo nalowo kubo.” Uma unekhanda, uNkulunkulu unelangabi lakho. Njengamanje, ukubala Kwakhe kufaka wena. “Nizakwamukeliswa amandla...” (IzEnzo 1:8). Cabanga nje, ikhanda lakho liba yindawo yokufikela umlilo kaMoya oNgcwele. Uhlala phansi futhi uhlala-angaphinde athathe uhambo.
Wonke umfundi oyedwa kwabayi-120 egumbini eliphezulu ngoSuku lwePhentekoste wamukela umbhapathizo kaMoya oNgcwele. Akekho owasala ngaphandle. Akukhona nje okwabaphostoli abangu-12 esibaziyo noma ababehamba eduze noJesu. Bakhona abangenamagama nabo abatholayo. Kungenzeka ukuthi babengadumile, kodwa babethembekile. Baqhamuka ekamelweni eliphezulu balinde isethembiso. UMoya oNgcwele wehlela phezu kwabo bonke, ilangabi lomlilo lawela phezu kwawo wonke amakhanda abo—amalangabi ayikhulu namashumi amabili kwabathembekile abayikhulu namashumi amabili. Uma uvela, uzoba nelangabi lamandla kulomsebenzi wakho ozowenza.
UmBhalo
Mayelana naloluHlelo
Kukhona amandla ashukumisayo, avusa ukufa ngaphakathi kuwe. Umvangeli uReinhard Bonnke ukubhalele izimfundiso eziqinile ngoMoya oNgcwele futhi ukubhalele Amaphuzu Ashukumisayo Wamandla kuMoya oNgcwele. Lesi Sifundo Sezinsuku Eziyisi-7 sizobekela inselele ukucabanga kwakho ngoMoya oNgcwele futhi sikukhuthaze ukuba ukholelwe emandleni amangalisayo kaMoya ongaphakathi kuwe.
More
