UNKULUNKULU + IZINJONGO: Uzibeka kanjani izinjongo njengo MkrestuIsampula

USUKU 3: Zibukeka njani izinjongo ezigqugquzelwe wukholo?

Empeleni zibukeka njani izinjongo eziholwa ngu Nkulunkulu? Ungaba nazo izinjongo ezingahlanganise lutho nezokholo - njenganokuzilolonga noma ukubuyela esikoleni? Noma, zonke izinjongo zakho kumele zibe mayelana "nokukhuleka kakhulu", "ukuya ohambeni lwezimishini", kanye "nokusebenza esontweni"?

Bese kuthiwani ngempilo nje yonke? UNkulunkulu ufuna senze konke sikwenzele inkazimulo Yakhe, (Kwabasekorinte 1 12:31)-izinjongo ezinkulu anazo ngathi kanye nalezo ezibukeka sengathi azilutho. Noma ngabe ukwakha ibhizinisi, ukuphothula iziqu zemfundo, ukuba ngumama kubantwana, ukuthatha izinqumo eziwubuhlakani ngezezimali, ukunakekela umzimba wakho, ngisho nokuqoqa iwashingi yakho (iwashingi yokoMoya? Yebo!) Uma lezizinto zenziwa ngenhloso yokujabulisa uNkulunkulu, ungazisebenzisela ukuba zibe ukukhanywa Kwakhe. Lokho akusho ukuthi kumele sibe abangenasici esimweni sengqondo uma senza lezizinto noma ekuphumeleleni kwethu, kumele nje sethembeke.

Uma konke sikwenzela inkazimulo Yakhe, abantu bazobona umehluko kithina. Bayamangala ukuthi ithemba lethu liphumaphi bese, ngokufisa kwe Nkosi, sithola ithuba lokwabelana ngomsuka walethemba. Ngakho ke, ingabe izinyathelo zakho zonke kumele zibe mayelana nezimishini noma ukuzinikela enkonzweni? Noma ngabe ikuphi lapho iNkosi ikubeke khona, qhakaza lapho utshalwe khona. Shaya umlozi ngesikhathi usebenza, ngisho nokungasho lutho kuba nomsebenzi!

Khuleka nami:Baba, ngiyabonga ngokungitshala lapho ngikhona. Ngisize ngenze loko ongabele kona ngamehlo kaMoya, ngikubone izinjongo eziholwa ngu Nkulunkulu, noma ngabe umsebenzi onjani. Siza ukuthi konke engikwenzayo kukhombe kuWena - ngisho nalapho ngenza khona amaphutha. Yenza uMusa wakho ube yifulegi lami ngesikhathi ngiqhubekela phambili nezinjongo, ngazi ukuthi akuyi ngokungabi nasici, kodwa kuNgawe -umlobi nomphelelisi wokholo lwami. Ngegama lik Jesu. Amen!