UJobe 7:11-16
UJobe 7:11-16 IBHAYIBHELI ELINGCWELE (ZUL59)
“Ngalokho nami angiyikubamba umlomo wami; ngiyakukhuluma osizini lomoya wami, ngikhale ngomunyu womphefumulo wami. Ngilulwandle yini, ngingumkhomo yini, ukuze ungibekele abalindi? Lapho ngithi umbhede wami uyakungiduduza, ukhukho lwami lungithwalise ukukhala kwami, uyangesabisa ngamaphupho, ungethusa ngemibono, ukuze umphefumulo wami ukhethe ukuklinywa nokufa kunalawa mathambo ami. Ngiyanengwa yiwo; mangingahlali njalo; ngiyeke, ngokuba imihla yami iyize.
UJobe 7:11-16 Contemporary Zulu Bible 2024 (CZB24)
Ngakho-ke angiyikubamba umlomo wami; Ngiyakukhuluma ekuhluphekeni komoya wami; ngiyakukhononda ngomunyu womphefumulo wami. Ngilulwandle kumbe umkhomo yini, ukuthi ungiqaphe? Uma ngithi: Umbhede wami uyakungiduduza, umbhede wami ukhululeke ukukhala kwami; Khona-ke uyangethusa ngamaphupho, ungethuse ngemibono. Ngakho umphefumulo wami ukhetha ukuklinywa nokufa kunokuphila kwami. Ngiyanengwa; angiyikuphila njalo: ake ngime; ngoba izinsuku zami ziyize.
UJobe 7:11-16 IsiZulu 2020 (ZUL20)
“Ngakho-ke nami angizukuwunqanda umlomo wami, ngizokhuluma nginobuhlungu emoyeni wami, ngikhononde ngomunyu emphefumulweni wami. Ngilulwandle yini, noma inkanyamba yolwandle, uze ungibekele abalindi na? Lapho ngithi: “Umbhede wami uzongiduduza, icansi lami lingithwalise ukukhononda kwami, uyangesabisa ngamaphupho, ungethuse ngemibono, ukuze umphefumulo wami uqoke ukuklinywa nokufa kunokuba ngibe kulo mzimba. Ngiyakuzonda ukuphila kwami, angiyukuhlala njalo, ngiyeke, ngokuba imihla yami iyize.